კლინიკა ვივამედის დირექტორი, ნინო ნადირაძე კლინიკაში მომხდარ ინციდენტს ფეისბუქით ეხმაურება. დღეს შსს–მ კლინიკა ვივა მედის დაცვის თანამშრომლის დაჭრის ფაქტზე თბილისში, წარსულში ნასამართლევი ორი პირი დააკავა. გავრცელებული ინფორმაციით, ბრალდებულები კლინიკაში მათი ნათესავის გარდაცვალების შემდეგ შეიჭრნენ.
“როგორც ადამიანი, მე გავიგებდი აფექტურ მდგომარეობას, როდესაც ახლობელი გიკვდება, მაგრამ სამწუხაროდ ეს ასე არ იყო, გარდაცვლილი პაციენტი ზუსტად ჩვენ კლინიკაში ბევრჯერ გადავარჩინეთ სიკვდილს, როდესაც თვითდაზიანებებს იყენებდა და, როდესაც ჯანმრთელობის მძიმე მდგომარეობის გამო საპატიმროდან გათავისუფლდა, თავისუფლებაში ყოფნისასაც ისევ ჩვენს კლინიკას მომართეს, რადგან ბევრჯერ ნახეს ჩვენი ექიმების თავდადება, თუმცა გუშინ მისი გადარჩენა უკვე ვეღარ მოხერხდა, და მათ თავად მოაწერეს ხელი, რომ ჩვენს მიმართ არანაირი პრეტენზია არ ჰქონდათ. დღეს რაც ჩაიდინეს, ეს იყო უკიდურესად ამაზრზენი, გაიმეტო სასიკვდილოდ 24 წლის ბიჭი, რომელმაც ნიღბის გაკეთება მოთხოვა“– წერს ნინო ნადირაძე.
