კალაძე ირწმუნება, რომ ჰომოფობი არ არის, თუმცა ამბობს, რომ ამ მიმართულების “პროპაგანდა” მიზანშეწონილი არ არის.
“განსხვავებული სექსუალური ორიენტაციის ადამიანები ცხოვრობენ ჩვენთან, ჩვენი საზოგადოების ნაწილი არიან წლების განმავლობაში, მომავალშიც იარსებებენ. ჩვეულებრივი ადამიანები არიან, როგორც ჩვენ, ორი ფეხი აქვთ, ორი ხელი აქვთ, სამსახურიდან არ აგდებენ, სარგებლობენ ყველა სერვისით.
გამოხატვის თავისუფლება ყველას აქვს. აქვე, არსებობს პასუხისმგებლობა, რომ შენი გამოხატვის თავისუფლებით სხვისი უფლება არ უნდა შეილახოს. არავინ არ დასდევთ, არავინ არ ლახავს… ჩვეულებრივად ცხოვრობენ და არსებობენ. ამ მიმართულების პოპულარიზაცია, პროპაგანდა მე არ მიმაჩნია მიზანშეწონილად”,– განაცხადა კალაძემ.
