ტელეკომპანია ფორმულას ინფორმაციით, ნინო ჟიჟილაშვილი და ვახო სანაია გადაცემა “პოლიტმეტრს” მათ არხზე 3 ივლისიდან წაიყვანენ. გადაცემა ეთერში კვირაში ორჯერ, სამშაბათს და პარასკევს 21:00 საათზე გავა.
„წამყვანები ისევ მე და ვახო სანაია ვიქნებით. „პოლიტმეტრის“ ისევ ის გუნდი მოამზადებს, რომელიც 2011 წლიდან ქმნიდა გადაცემას. „პოლიტმეტრი“ საზოგადოებრივ პოლიტიკური პროექტია, რომელიც პოლიტიკური პროცესების მიმდინარე ანალიზით დაკავდება“, – აცხადებს ჟიჟილაშვილი ფორმულასთან საუბარში.
ჟიჟილაშვილმა და სანაიამ “პოლიტმეტრის” პროდუსერებთან და ჟურნალისტებთან ერთად “ტელეკომპანია პირველი” 12 ივნისს დატოვეს. ამის მიზეზად მათ ხელძღვანელობის ხედვებთან შეუთავსებლობა დაასახელეს.
