“რუსულ ნავთობს თქვენთვის არ ასდის უკრაინული სისხლის სუნი?”- ასე მიმართავს უკრაინის საგარეო საქმეთა მინისტრი დმიტრო კულება ევროპის უმსხვილეს ნავთობის კომპანიას Shell-ს, რომელმაც კულებას თქმით, რუსეთისგან ნავთობი ფარულად შეისყიდა.
“მითხრეს, რომ Shell-მა გუშინ ფარულად იყიდა რუსული ნავთობი. ერთი შეკითხვა მაქვს Shell-ის მიმართ: რუსულ ნავთობს თქვენთვის არ ასდის უკრაინული სისხლის სუნი? მოვუწოდებ ყველა შეგნებულ ადამიანს მთელ მსოფლიოში მოითხოვოს ტრანსნაციონალური კომპანიისგან გაწყვიტოს ყველანაირი საქმიანი კავშირი რუსეთთან”, – წერს კულება სოციალურ ქსელში.
I am told that Shell discretely bought some Russian oil yesterday. One question to @Shell: doesn’t Russian oil smell Ukrainian blood for you? I call on all conscious people around the globe to demand multinational companies to cut all business ties with Russia.
— Dmytro Kuleba (@DmytroKuleba) March 5, 2022
ცნობისთვის, 2 მარტს, ნავთობის კომპანია Shell-მა განაცხადა, რომ დატოვებს ყველა თავის რუსულ ოპერაციებს, მათ შორის, სახალინის 2 LNG ქარხანას, რომელშიც ის ფლობს 27,5%-იან წილს.
