ვფიქრობ, ქართული ოცნება ბარიერის დაწევას მხოლოდ მაშინ დათანხმდება, თუ დაინახავს, რომ ეს თავის ინტერესში იქნება. ისინი ბარიერს იმიტომ არ დაწევენ, რომ ვთქვათ, ეს დემოკრატიისთვის ან ქვეყნის განვითარებისთვის უკეთესია. ჩვენი პოლიტიკური პოზიცია არის ის, რომ ბარიერი დასაწევი კი არა, პირიქით, ასაწევია. რადგან, ოცნება სულ იმაზე აპელირებს, რომ ბარიერის დაწევას ყველა იმის გამო ითხოვს, რომ ეს გვჭირდება, რომ როგორღაც პარლამენტში მოვხვდეთ. ჩვენი მიზანი კი როგორმე პარლამენტში მოხვედრა არ უნდა იყოს. ჩვენი მიზანი დღევანდელი რეალობის შეცვლაა. ამიტომ, ჩვენ ბარიერის დაწევას არ ვითხოვთ. პირიქით, ბარიერი რომც აწიონ, ჩვენი პოლიტიკური პოზიცია ეს უფრო მეტად იქნებოდა […] ჩვენთვის სწორი არის, რომ ბარიერი იგივე დარჩეს, ან გაზარდონ. ჩვენ ოცნებას მოვუწოდეთ კიდეც, რომ ბარიერი აწიონ […] ჩვენი მიზანი არაა, მხარი იმას დავუჭიროთ და დავეთანხმოთ, რაც ქართული ოცნების ინტერესშია.
