მიხეილ სააკაშვილის ჯანმრთელობის მდგომარეობა ისევ ისეთია, სიცხე, წნევა და სისუსტე გრძელდება. მითხრა, ძალა არ მაქვსო, – ამის შესახებ საქართველოს მესამე პრეზიდენტის დედამ, გიული ალასანიამ კლინიკა „ვივამედში“ განაცხადა.
მისივე თქმით, მიხეილ სააკაშვილი ძირითადად წევს და ვიზუალურად მძიმე სანახავია.
„გუშინ მოსული იყვნენ მასთან, ეზოდან მიულოცეს და ძალიან ესიამოვნა. ისევ მოლოდინში ვართ. იქნებ რაიმე დადებითად გადაწყდეს. ვნახოთ, სტრასბურგში რა შედეგი მოჰყვება საჩივარს. ჯანმრთელობის მდგომარეობის კუთხით, ისევ იგივე ვითარებაა: სიცხე, წნევა და სისუსტე გრძელდება. როდესაც წამოიწევა მძიმე შთაბეჭდილებას ტოვებს. ვიზუალურად მძიმე სანახავია. მითხრა, ძალა არ მაქვსო. ამის მოსმენა ასეთი ადამიანისგან, ცოტა უცნაურია. ძირითადად წევს“, – აღნიშნავს ალასანია.
