სკანდალი ბრიტანეთში: საყვარლის კოცნისა და რეგულაციების დარღვევის გამო ჯანდაცვის მინისტრს თანამდებობიდან გადადგომას სთხოვენ

ბრიტანეთის მთავრობა სკანდალშია გახვეული. ტაბლოიდ The Sun–ის მიერ გამოქვეყნებულ მასლაში ჩანს, რომ ჯანდაცვის მინისტრი მის მეგობარ ქალს, ჯინა კოლადანჯელოს კოცნის. ქალი გათხოვილია, მინისტრი კი დაოჯახებული, თუმცა მხოლოდ ეს არ არის პრობლემა, რის გამოც ოპოზიცია მინისტრის გადადგომას ითხოვს.

25 ივნისს დილით დაწყებული სკანდალი მხოლოდ მორალის და ზნეობის საკითხი არ არის. პანდემიისას ჰენკოკი არაერთხელ ამბობდა, რომ ბრიტანეთის სამეფოს მოქალაქეებმა სოციალური დისტანცია უნდა დაიცვან, განსაკუთრებით საჯარო სივრცეებში. ამასთან, ჰენკოკი და კოლადანჯელო როგორც ჩანს ჯანდაცვის სამინისტროს ოფისში კოცნიდნენ ერთმანეთს და ეს წელს ხდებოდა.

ისინი ერთმანეთს ოქსფორდიდან იცნობენ, სადაც ერთად სწავლობდნენ. თუმცა, გარდა ამისა, მათი ურთიერთობა უფროსისა და დაქვემდებარებული თანამშრომლის ურთიერთობაც არის. კოლადანჯელო 2020 წლის სექტემბრიდან ჯანდაცვის სამინისტროსთან არსებული საბჭოს წევრია და ამისათვის ანაზღაურების სახით წელიწადში 15 ათას ფუნტს იღებს. ეს თითქმის სამჯერ ნაკლებია ლონდონში საშუალო წლიურ ხელფასთან შედარებით, თუმცა ამ სამსახურში წელიწადში მხოლოდ 15-20 დღიანი მუშაობაა საჭირო.

43 წლის ჰენკოკი დაქორწინებულია. მას სამი შვილი ყავს. ჯინა კოლადანჯელოც დაქორწინებულია.

ლეიბორისტული პარტია კონსერვატორი მინისტრის გადადგომას ითხოვს.

პარლამენტის ჩრდილოვანი კაბინეტის სპიკერმა, ანა –ლიზა დოდსმა განაცხადა, რომ სახეზეა ინტერესთა კონფლიქტი გადასახადის გადამხდელთა ფულთან დაკავშირებით, რადგან ჰენკოკმა კოლადანჯელო ისეთ თანამდებობაზე დანიშნა, რომლის ხელფასის ანაზღაურება ბიუჯეტიდან ხდება.

ანალოგიურ სიტუაციაში პანდემიის დასაწყისში ჰენკოკმა მეცნიერ–ეპიდემიოლოგი, ნილ ფერგიუსონი მკაცრად გაკიცხა. მაშინ სკანდალი მოჰყვა იმას, რომ პროფეორი, რომელიც ეპიდემიოლოგიურ საკითხებში მთავრობის მრჩეველი იყო კარანტინის მიუხედავად საყვარელ ქალს შეხვდა. ბრიტანულმა მედიამ გამოაქვეყნა მასალა იმის შესახებ, რომ ფერგიუსონს  მინიმუმ ორჯერ კარანტინის დროს სახლში სტუმრობდა საყვარელი, რომელიც ამავე დროს გათხოვილია. ამის გამო ფერგიუსონი იძულებული გახდა თანამდებობიდან წასულიყო.

მაშინ ჰენკოკმა განაცხადა, რომ ფერგიუსონის საქციელი გასაოცარია და პროფესორი აღარ შეიძლება მთავრობის მრჩევლის თანამდებობაზე დარჩეს. ჰენკოკმა ფერგიუსონს გამოჩენილი მეცნიერი უწოდა, მის მუშაობას კი ეპიდემიაზე რეაგირების ზომების შემუშავებაში მნიშვნელოვანი, თუმცა თქვა, რომ სოციალური დისტანცირების წესები ძალიან სერიოზულია და ყველასთვის ერთნაირად უნდა მოქმედებდეს.

ლეიბორისტული პარტიის ჯანდაცვის საკითხების მთავარმა სპიკერმა, მუნირა უილსონმა განაცხადა, რომ მინისტრმა უხეშად დაარღვია მისივე შემოღებული წესები საზოგადოებრივ ადგილებში სოციალურ დისტანცირებასთან დაკავშირებით.

“სწორედ მან აუკრძალა ოჯახებს საყვარელი ადამიანების ჩახურება, თვითონ კი ამავე დროს რასაც უნდოდა იმას აკეთებდა საკუთარ სამუშაო ადგილზე“– თქვა მან.

დოდსმა დასძინა, რომ პრემიერმა ჯონსონმა დაუყოვნებლივ უნდა მოხსნას თანამდებობიდან ჯანდაცვის მინისტრი.

მთავრობა ჯერჯერობით მინისტრს იცავს და აცხადებს, რომ კოლადანჯელოს დანიშვნა მის თანამდებობაზე ყველა სტანდარტულ პროცედურას შეესაბამებოდა და წესები არავის დაურღვევია.

ჰენკოკმა გუშინ კოვიდ ვაქცინაციის ერთ–ერთ ცენტრში დაგეგმილი ვიზიტი გააუქმა. The Sun–ის პუბლიკაციიდან რამდენიმე საათში კი განცხადება გააკეთე და აღიარა, რომ მართლაც დაარღვია სოციალური დისტანცირების წესები:

“ძალიან ვწუხვარ, რომ ადამიანებს იმედი გავუცრუე. გავაგრძელებ მუშაობას და ფოკუსირებული ვიქნები იმაზე, რომ ქვეყანამ პანდემიას თავი დააღწიოს“–თქვა ჯანდაცვის მინისტრმა.

რაც შეეხება დანარჩენ ბრალდებებს, მინისტრმა თქვა, რომ მადლობელი იქნება, თუ ადამიანები მისი პირადი ცხოვრების უფლებას დაიცავენ.

ეს უკვე მეორე ხმაურიანი სკანდალია ჰენკოკის მონაწილეობით. 16 ივნისს პრემიერის ყოფილმა მრჩეველმა, დომინიკ კამინგსმა ბორის ჯონსონთან WhatsApp–ით მისი მიმოწერის ფრაგმენტი გაასაჯაროვა. მიმოწერაში პრემიერმა ჯონსონმა საკუთარ მინისტრს “სრულიად უიმედო“ უწოდა და ამ შეფასებას გინებაც მოაყოლა. მთავრობამ ეს ფაქტი უკომენტაროდ დატოვა.

სხვათა შორის, თავად კამინგსმა ორჯერ დაარღვია შემზღუდავი ზომები: თავიდან ოჯახი მოინახულა, რომლის ერთ–ერთ წევრს სავარაუდოდ კოვიდი ჰქონდა, შემდეგ კი მანქანით სასეირნოდ წავიდა, ჟურნალისტებს კი უთხრა, რომ ამ გზით საკუთარი მხედველობა შეამოწმა.

პრემიერ ჯონსონის სპიკერმა განაცხადა, რომ მეტ ჰენკოკმა კოვიდის წესების დარღვევის გამო პრემიერს ბოდიში მოუხადა, რის შემდეგაც ჯონსონი “საქმეს ამოწურულად თვლის.“

“მოძალადესთან ერთ სივრცეში ყოფნას არ ვაპირებ”- მელიამ მერობის კანდიდატების დებატები დატოვა

"მოძალადესთან ერთ სივრცეში ყოფნას არ ვაპირებ" - ამის შესახებ, ენმ-ის თავჯდომარემ, ნიკა მელიამ,  საზოგადოებრივ...

ენმ-ის ლიდერებს ძალიან უხარიათ ეს ინციდენტი, მომხდარს არანაირი გამართლება არ აქვს – მდინარაძე დმანისზე

" ახლა „ნაცებს“ და „ნაცმოძრაობის“ ლიდერებს ძალიან უხარიათ ეს ინციდენტი, რადგან ამ დღეებში მცდელობების...

რა პასუხისმგებლობა უნდა ავიღო, დეგენერატმა დაჭრა ვიღაც კაცი – კობახიძე დმანისის ინციდენტზე

"რა პასუხისმგებლობა უნდა ავიღო, დეგენერატმა დაჭრა ვიღაც კაცი"- ასე ეხმაურება, "ქართული ოცნების" თავმჯდომარე ირაკლი...

ენმ ითხოვს, დმანისის ინციდენტის გამო, “ოცნების” კანდიდატმა კანდიდატურა მოხსნას

ერთიანი ნაციონალური მოძრაობა დმანისის თავდასხმაში ქართული ოცნების წევრებს ადანაშაულებს და დამნაშავეების დასჯასთან ერთად ითხოვს, პარტიის...

შეიძლება თვითონ დააზარალეს ერთმანეთი – ოცნების მაჟორიტარობის კანდიდატი 2 პირის დაჭრაზე

დმანისის მუნიციპალიტეტის სოფელ განთიადში 2 პირის დაჭრას ეხმიანება ოცნების დეპუტატობის კანდიდატი მიხეილ დაუთაშვილი და...

სიცოცხლის ფასადაც რომ დამიჯდეს, არ შეგარჩენთ – ნიკა მელია დმანისის ინციდენტზე

''სიცოცხლის ფასადაც რომ დამიჯდეს, არ შეგარჩენთ"- ამის შესახებ, ენმ-ის თავჯდოამრე, ნიკა მელია სოციალურ ქსელში...

ზვიადაძემ ჩუბინიძეს სთხოვა, კანონიერი ქურდი ქვეყანაში 10 დღით შემოეშვა – ფაილები

სახელმწიფო უშიშროების სამსახურიდან გამოჟონილი ფაილებიდან ირკვევა, 2019 წლის 30 აგვისტოს პროტოპრესვიტერმა გიორგი ზვიადაძემ სახელმწიფო...

ლარი კვლავ გაუფასურდა – ახალი კურსი

ეროვნული ბანკის ინფორმაციით, 21 სექტემბრის ვაჭრობის შედეგად ეროვნული ვალუტა აშშ დოლართან მიმართებით 0.64 თეთრით...

ის ძალიან გავს ებოლას – გვინეაში კიდევ ერთი მომაკვდინებელი ვირუსი გამოჩნდა

ჯანდაცვის მსოფლიო ორგანიზაციამ  და გვინეის ხელისუფლებამ ოფიციალურად დაადასტურებს მარბურგის დაავადებით გარდაცვალების პირველი შემთხვევა. მას ვირუსი იწვევს, რომელიც თვისებებით ძალიან გავს ებოლას ვირუსს. კორონავირუსის მსგავსად,...

როგორ ვმართოთ კოვიდი სახლის პირობებში და როდის არის საჭირო ჰოსპიტალიზაცია–ნანა გეგეჭკორის და ზურაბ გურულის განახლებული რეკომენდაციები

აშშ–ში მცხოვრები ქართველი ექიმები,  ნიუ-იორკის მაიმონდის ჰოსპიტლის ექიმი, ნანა გეგეჭკორი და მონტგომერის სახელობის ფედერალური კლინიკის ანესთეზიოლოგია-რეანიმაციისა და ქირურგიის დეპარტამენტების ხელმძღვანელი, მისისიპის უნივერსიტეტის ანესთეზიოლოგიის კათედრის...

ჟან-პოლ ბელმონდო 88 წლის ასაკში გარდაიცვალა

გარდაიცვალა ცნობილი ფრანგი მსახიობი ჟან პოლ ბელმონდო. ის 88 წლის იყო. მას პოპულარობა ჟან-ლუკ კოდარის "უკანასკნელ ამოსუნთქვაში" შესრულებულმა მიშელ პუაკარის როლმა მოუტანა. ბელმონდოს კინოკარიერა 50 წელს...