აზერბაიჯანული მედიის ინფორმაციით, აზერბაიჯანის პრეზიდენტმა ილჰამ ალიევმა ქვეყნის საგარეო საქმეთა მინისტრი, ელმარ მამედიაროვი თანამდებობიდან გაათავისუფლა.
მათივე ცნობით, მთავრობის სხდომაზე სიტყვით გამოსვლისას ალიევმა მამედიაროვი გააკრიტიკა, რადგან მისი თქმით, სომხეთ-აზერბაიჯანის საზღვარზე დაპირისპირების დაწყების შემდეგ , 12 ივლისს მინისტრი სამუშაო ადგილას არ იმყოფებოდა.
მათივე ინფორმაციით, ილჰამ ალიევმა მამედიაროვის გათავისუფლების შესახებ ბრძანებას დღეს მოაწერა ხელი და მის შემცვლელად ჯეიხუნ ბაირამოვი დანიშნა.
ელმარ მამედიაროვი საგარეო საქმეთა მინისტრის თანამდებობას 2004 წლიდან იკავებდა.
აზერბაიჯანისა და სომხეთის საზღვარზე დაპირისპირებები 12 ივლისს დაიწყო და უკვე მე–5 დღეა გრძელდება.
