სოსო ჯაჭვლიანი ამბობს, რომ საკუთარ საძინებელში დამონტაჟებული ვიდეოკამერა აღმოაჩინა

ქართული ოცნების ყოფილი წევრი, მკლავჭიდის ფედერაციის ყოფილი პრეზიდენტი ამბობს, რომ 2015 წელს ქუთაისში, ნაქირავები ბინის საძინებლებში დამონტაჟებული ვიდეოკამერები აღმოაჩინა. სოსო ჯაჭვლიანი ინგა გრიგოლიას გადაცემაში ქართული ოცნების წევრებთან მის დაპირისპირებაზე სასაუბროდ მივიდა. სოსო ჯაჭვლიანმა “ქართული ოცნებიდან” წასვლის შესახებ განცხადება 2020 წლის 26 ოქტომბერს “მთავარი არხის” პირდაპირ ეთერში გააკეთა. მის ამ განცხადებას კი წინ უძღოდა გადაცემაში მკლავჭიდის ფედერაციაში განვითარებული პროცესების და ხელისუფლების წარმომადგენლებთან დაპირისპირების განხილვა, რა დროსაც ჯაჭვლიანმა განაცხადა, რომ მის წინააღმდეგ განხორციელებული კამპანიის უკან, თბილისის მერი, კახა კალაძეა. ჯაჭვლიანმა ბოლო დროს  არაერთხელ ისაუბრა იმის შესახებ, როგორ ებრძვიან ოცნების სხვადასხვა წევრები. დღეს კი გაიხსენა ეპიზოდი, როცა საკუთარ ბინაში სათვალთვალო კამერები აღმოაჩინა. იმ პერიოდში სოსო ჯაჭვლიანი პარლამენტის წევრი იყო და ქუთაისში ნაქირავებ ბინაში ცხოვრობდა. მან საკუთარ ორსაძინებლიან ბინაში დარჩენა შესთავაზა ლუკა კურტანიძეს, რომელმაც მეორე დილით უთხრა, რომ საძინებელში ვიდეოკამერა იყო დამონტაჟებული. ჯაჭვლიანი ამბობს, რომ კამერა მეორე საძინებელშიც აღმოაჩინეს. მისი თქმით, ამის შესახებ ის პარლამენტის თავდაცვისა და უშიშროების კომიტეტის მაშინდელ თავმჯდომარეს, ირაკლი სესიაშვილს ესაუბრა, თუმცა სხვა არავისთვის მიუმართავს. ის მოუწოდებს ლუკა კურტანიძეს, ეს ფაქტი დაადასტუროს.

მსგავსი სიახლეები.

რა იძულება უნდა, როცა შეკრება საქართველოს სუვერენიტეტს ეხება – პაპუაშვილი ოცნების აქციაზე

”ევროპარლამენტმა სამარცხვინო რეზოლუცია მიიღო, მხარი დაუჭირეს ამ მაკულატურას ”- კალაძე

“დავეხმარებით ჩვენს ევროპელ კოლეგებს, რომ მათაც მოახერხონ და თავი დააღწიონ აგენტურის მმართველობას”- კალაძე

კობახიძეს შეცდომით ჰგონია, რომ EU-სკენ გზა ბუდაპეშტზე გადის, არასწორ გზაზე გადაუხვიეთ ბატონო პრემიერმინისტრო – იან კელი

ვიზალიბერალიზაციის კუთხით შეფერხება არ გვექნება, არანაირი რისკი არ გვაქვს. განცხადებებიც არის ანგაჟირებული პოლიტიკური მიზნით – დარჩიაშვილი

„ვაი მე! სადა ბანაობ? შვილო! ასე ვინ დაგაბოლათ?“ – ზურა ყიფშიძე შვილიშვილს რუსული კანონის გამო საჯაროდ აკრიტიკებს

ბიძინა ივანიშვილი ხელს უშლის საქართველოს ევროინტეგრაციას! – მირიამ ლექსმანი

ისტორიაში პირველად, შეიძლება გადაიხედოს უვიზო მიმოსვლის საკითხი.. – ნიკა გვარამია

ვიზალიბერალიზაციას ვერაფერი დაემუქრება! რეზოლუცია ღიად უჭერს მხარს ბოროტებას, საერთო არც ევროპასთან, არც ევროპელობასთან არაფერი აქვს! – მდინარაძე