დონალდ ტრამპმა თეთრი სახლი დატოვა. ის დღეს აშშ–ს არჩეული პრეზიდენტის, ჯო ბაიდენის ინაუგურაციას არ დაესწრება.
მან მედიასთან მოკლე კომენტარი გააკეთა და თქვა, რომ აშშ-ს პრეზიდენტობა მისთვის დიდი პატივი იყო.
“საოცარი 4 წელი გვქონდა და ბევრი რამ გავაკეთეთ. ჩვენ გვიყვარს ამერიკელი ხალხი, ეს იყო რაღაც ძალიან განსაკუთრებული”,– თქვა ტრამპმა.
ჯო ბაიდენის ინაუგურაცია დღეს, 20 იანვარს თბილისის დროით 21:00 საათზე დაიწყება. პანდემიისა და შიდატერორიზმის საფრთხის გამო, ცერემონიას 2 000-მდე ადამიანი დაესწრება. ვაშინგტონში უსაფრთხოების დასაცავად 26 000 ჯარისკაცია მობილიზებული.
