“უგუნურებავ, ქართული ოცნება უნდა გერქვას შენ!!!
არც იმაზე იყო დიდ ხანს შეთანხმებული მსოფლიო, რომ საქართველოში ეთნიკური წმენდა მოხდა და ამიტომ გულხელდაკრეფილები უნდა ვმსხდარიყავით მოლოდინის რეჟიმში? ალბათ როგორც ის იჯდა? არც ომი აწუხებდა, არც ჩვენს ქვეყანაში ჩადენილი დანაშაულები.
ამაზე უგუნური და სამარცხვინო მგონი მასაც კი ჯერ არაფერი უთქვამს.
რა არის სხლა ეს? რა ჰქვია ამას? ქართველი პოლიტიკოსი რომ ხარ და ასე პოზიციონირებ დღეს, შენი ქვეყნისთვის რას და როგორ ითხოვ ხვალ?
რატომ, რატომ უნდა მოგინდეს დღეს მაკრონის თანამოაზრეობა ბაიდენის საპირისპიროდ? ან როდესმე მარა დღეს განსაკუთრებით?”
ასე ეხმიანება საქართველოს თავდაცვის ყოფილი მინისტრი, თინა ხიდაშელი ირაკლი კობახიძის განცხადებას უკრაინასთან მიმართებით სიტყვა გენოციდის გამოყენებაზე. კობახიძის თქმით, დაელოდება სამართლებრივ შეფასებას უკრაინაში რუსეთის ქმედებებზე და შემდეგ გააკეთებს პოლიტიკურ შეფასებას. საკუთარი პოზიციის გასამყარებლად ოცნების თავმჯდომარემ მაკრონის განცხადება მოიშველია.
