ქართული ოცნების დეპუტატი, დიმიტრი ხუნდაძე მთავრობის მიერ წინასაარჩევნოდ დახმარებების გაცემასთან დაკავშირებულ კრიტიკას პასუხობს.
“სიღარიბე ჯერ კიდევ პრობლემად რჩება. ქვეყანაში ყოველ წელს არჩევნებია და ზოგი დახმარება არჩევნების წინ იქნება და ზოგი არჩევნების შემდეგ. დახმარების გაცემის დროს არავითარი წინასაარჩევნო თუ არჩევნების შემდგომი ვალდებულება არ არსებობს. ეს არის დახმარება იმ მიზნობრივი ჯგუფებისა, ვისაც ესაჭიროება, მიუხედავად მათი პარტიული კუთვნილებისა და არა ისე, როგორც ჩვენამდე იყო.
მინდა ყველას გთხოვოთ, მით უმეტეს, ამ პერიოდში – წინასაარჩევნოდ, როცა უფრო ჭარბად არის სოციალური თემატიკით სპეკულირება, ეს არის უზნეობა და მოეშვათ ამ უზნეობის წარმოებას. მივმართავ იმ პოზიციურ ჯგუფებს, რომელთაც ეს ხელეწიფებათ და რომელთაც სოციალური ჯგუფები გამოყენებული ჰქონდათ 2012 წლამდე, წინასაარჩევნოდ ხმათა სანაცვლოდ გაცემული დახმარებებით”,- ამბობს ხუნდაძე.
ოპოზიცია და არასამთავრობო სექტორი წინასააარჩევნოდ მთავრობის მიერ დახმარებების გაცემას ამომრჩევლის მოსყიდვად აფასებს.
