საპარლამენტო უმრავლესობის ერთ–ერთი ლიდერი, მამუკა მდინარაძე ამბობს, საარჩევნო შტაბის ხელმძღვანელად ირაკლი კობახიძის კანდიდატურა უალტერნატივო იყო.
მისი თქმით, რეიტინგები მოწმობს, რომ საპარლამენტო არჩევნებში “ქართული ოცნების” გამარჯვება გარდაუვალია, გამარჯვების კარგად გაფორმებაში კი გუნდის ირაკლი კობახიძე დაეხმარება.
“მიუხედავად იმისა, რომ გუნდში ძალიან ბევრი ადამიანია, ვისაც შეეძლო შტაბის ხელმძღვანელობა ჩაებარებინა, ირაკლი ამ მსჯელობის დროს უალტერნატივო აღმოჩნდა, იქიდან გამომდინარე რომ როგორც გამოცდილება, მისი სპეციფიური ცოდნა საარჩევნო საკითხებთან დაკავშირებით და მისი კარგი უნარი სწორი მენეჯმენტის, ჩვენ ირაკლი ამ სფეროში ძალიან კარგად გვყავს გამოცდილება, ჩვენ ყველას დაგვემხმარება, რომ ჩვენი გამარჯვება, რომელიც გარდაუვალია, ამაზე ყველა რეიტინგი მოწმობს და მეტყველებს, კარგად, სწორად გავაფორმოთ”,– განაცხადა მამუკა მდინარაძემ.
ცნობისთვის,”ქართული ოცნების“ საარჩევნო შტაბის ხელმძღვანელად პარტიის აღმასრულებელი მდივანი ირაკლი კობახიძე დაინიშნა.
