“ხდება ზუსტად ის, რაზეც ბოლო 1 წლის განმავლობაში ყველას ვაფრთხილებდი. მთელი ეს ბორდერიზაცია, რასაც საქართველოს ხელისუფლება არ იმჩნევდა, ცხინვალის ანექსიის საკითხის მომზადებას ემსახურებოდა. ამათ ეგონათ, რომ თუ ჩაწვებოდნენ, რუსეთი ამას არ გააკეთებდა. ბიბილოვმა ერთი გამოსვლით მრავალწლიანი პროპაგანდა წყალში ჩაუყარა.
შესაბამისად, დავრჩით პრაქტიკულად მოკავშირეების გარეშე, გამარგინალებული ამ დიდი საფრთხის წინაშე. იქნებ ახლა მაინც მოეგონ გონს და გადადგან ნაბიჯები ერთიანობისა და საერთაშორისო თანამეგობრობასთან ერთად მუშაობისკენ”
ასე ეხმიანება ექსპრეზიდენტი სააკაშვილი ოკუპირებული ცხინვალის მარიონეტი ლიდერის განცხადებას, რომ შესაძლოა რუსეთთან შეერთების თაობაზე რეფერენდუმი გაიმართოს. საქართველოს საგარეო საქმეთა მინისტრის შეფასებით, რეფერენდუმს იურიდიული ძალა არ ექნება.
