უკრაინის მეთაურმა, ვოლოდიმირ ზელენსკიმ განაცხადა, რომ რუსეთმა უკრაინის ცეცხლის შეწყვეტის წინადადება უგულებელყო და თავდასხმები გააგრძელა, რასაც კიევი კიევი მოსკოვს „სარკისებურად“ უპასუხებს.
კრემლმა კიევს დროებითი ზავი 8-9 მაისისთვის შესთავაზა, რასაც ზელენსკიმ „ცინიკური“ და „თეატრალური წარმოდგენა“ უწოდა, რომელიც პირველ რიგში აღლუმის უსაფრთხოებას და მოსკოვის შესაძლო უკრაინული დარტყმებისგან დაცვას ისახავდა მიზნად.
უკრაინამ რუსეთს ზავის 6 მაისიდან დაწყება შესთავაზა. კიევის შეფასებით, ეს რუსეთის ნამდვილი ნების გამოცდა იქნებოდა ცეცხლის შეწყვეტის პროცესში.
„რუსეთმა ჩვენგან მიიღო მკაფიო წინადადება სიმშვიდისა და დიპლომატიის შესახებ და იცის, როგორ დაუკავშირდეს უკრაინას ან პარტნიორებს დეტალების შესათანხმებლად. მოსკოვში იმ ერთ ადამიანს, რომელსაც ომის გარეშე არ შეუძლია, თუ მხოლოდ ერთი აღლუმი აინტერესებს და არაფერი მეტი, ეს სხვა საქმეა. უკრაინა მზადაა, იმუშაოს მშვიდობისთვის და ამ ომის ღირსეულად დასამთავრებლად. რუსეთი იმ მდგომარეობამდე მივიდა, რომ მათი მთავარი აღლუმიც კი ახლა ჩვენზეა დამოკიდებული. ეს მკაფიო სიგნალია, დასასრულის დროა“, – აღნიშნა ზელენსკი.
თუმცა, როგორც ზელენსკი ამბობს, რუსეთმა ეს შეთავაზება რამდენიმე საათში უგულებელყო – უკრაინის რამდენიმე რეგიონში 1800-ზე მეტი დარტყმა და თავდასხმა დაფიქსირდა.
