მოლდოვის პარლამენტის თავმჯდომარემ, იგორ გროსუმ განაცხადა, რომ, მისი აზრით, საქართველო ხშირად აკრიტიკებს მოლდოვას ევროპულ გზაზე ამ ორ ქვეყანას შორის პროგრესის ტემპებში არსებული განსხვავების გამო.
„საქართველო არასდროს უშვებს შანსს, რომ გაგვაკრიტიკოს. მოლდოვის მიმართ დიდი შურია, რადგან ჩვენ ევროინტეგრაციის გზაზე უფრო სწრაფად მივიწევთ წინ“, — განაცხადა პარლამენტის თავმჯდომარემ ტელეკომპანია TV8-ის ეთერში.
2023 წლის 14 დეკემბერს საქართველომ ოფიციალურად მიიღო ევროკავშირის წევრობის კანდიდატის სტატუსი. თუმცა, 2024 წლის 28 ნოემბერს, „ქართული ოცნებამ“ გამოაცხადა, რომ 2028 წლის ბოლომდე ევროკავშირში გაწევრიანების შესახებ მოლაპარაკებების გახსნის საკითხს დღის წესრიგში არ დააყენებს. ევროკავშირი აცხადებს, რომ ქვეყნის ინტეგრაცია დე ფაქტო შეჩერებულია და საქართველო კანდიდატის სტატუსს მხოლოდ ფორმალურად ინარჩუნებს დემოკრატიული უკანდახევისა და მედიასა და სამოქალაქო საზოგადოებაზე ზეწოლის გამო.
2026 წლის 6 მარტს ევროკავშირმა დროებით შეაჩერა უვიზო მიმოსვლის რეჟიმი საქართველოს დიპლომატიური პასპორტის მფლობელებისთვის.
ირაკლი კობახიძე და „ქართული ოცნების“ ლიდერები ბრიუსელის მოთხოვნებს შანტაჟს უწოდებენ და ამტკიცებენ, რომ საქართველო რიგი მაჩვენებლებით სხვა კანდიდატ ქვეყნებს უსწრებს.