“არ დანებდეთ. ევროკავშირი ყოველთვის ღია იქნება ხალხისთვის, ვინც იმედიანად არის განწყობილი” – ასე უპასუხა ევროპარლამენტის პრეზიდენტმა რობერტა მეცოლამ დღეს ბრიუსელში ჟურნალისტის დასმულ კითხვას, თუ რა გზავნილი აქვს ქართველი ხალხისთვის, რომელიც ქვეყნის ევროპული მომავლისთვის იბრძვის. მეცოლას თქმით, ევროკავშირი ყოველთვის ღია იქნება მათთვის, ვინც იმედიანად არის განწყობილი. ის ქართველებს მოუწოდებს, არ დანებდნენ.
“არ დანებდეთ. ევროკავშირი ყოველთვის ღია იქნება ხალხისთვის, ვინც იმედიანად არის განწყობილი მის მიმართ – სწორედ ამას ვეუბნებით ჩვენ ყველა ქვეყანას. ჩვენ ასევე მოუთმენლად ველოდებით გაწევრიანების პროცესის დაჩქარებას ქვეყნის მიღწევებისა და დამსახურების შესაბამისად. სწორედ ამიტომაც ვაგრძელებთ დიალოგს ყველა ქვეყანასთან”, – განაცხადა მან.