პოლონური მედიის ინფორმაციით, ვროცლავის ცენტრში, ორმა უცხოელმა 21 წლის მამაკაცი სასიკვდილოდ სცემა. პოლიციამ საქართველოს 2 მოქალაქე დააკავა.
დანაშაული ვროცლავში მოხდა და მას წინ დაპირისპირება უძღოდა.
“ეს არის საქართველოს ორი ახალგაზრდა მოქალაქე. ჩვენ ვიცით, რომ დამნაშავე ორი იყო. ამჟამად მათი მონაწილეობით მიმდინარეობს საგამოძიებო მოქმედებები” – ამბობს ვროცლავის საოლქო პროკურატურის სპიკერი, ანა პლაჩეკ-გჟელაკი.
შაბათს 27 იანვარს, დილის 5 საათზე ქალაქის ცენტრში ერთმანეთს ახალგაზრდები დაუპირისპირდნენ, რასაც 21 წლის ადგილობრივის სიკვდილი მოჰყვა.
ჯერჯერობით უცნობია კონკრეტულად რა იარაღითაა ჩადენილი მკვლელობა.
