მსოფლიოში ერთ–ერთმა ყველაზე მსხვილმა რეკლამს დამკვეთმა, თავის მოვლის საშუალებების კორპორაციამ, Procter & Gamble-მა (P&G-მ) ბრიტანეთის მიერ სანქცირებულ „ტელეიმედთან“ თანამშრომლობა შეწყვიტა.
ეს კორპორაცია აერთიანებს ისეთ პროდუქტებს, როგორებიცაა „პამპერსი“, Head & Shoulders-ი, Pantene-ი, Braun-ი, Gillette-ი, Oral-B, Ariel-ი, Tide-ი და სხვები.
ინფორმაცია ამის შესახებ ბრიტანულმა გამოცემა City A.M.-მა 23 ივნისს გამოაქვეყნა.
გამოცემის წერს, რომ 2026 წლის 24 თებერვალს „იმედის“ სანქცირების მიუხედავად კორპორაცია „იმედში“ რეკლამირებას განაგრძობდა, თუმცა, P&G-ის ევროპული ეთიკისა და შესაბამისობის ოფისის უფროსი დირექტორისა და ხელმძღვანელის, ჯონ ბრენდონის მიერ ჩატარებული შიდა გამოძიების შედეგად, კომპანიამ ორშაბათს, 2026 წლის 22 ივნისს მედიაკომპანიასთან თანამშრომლობა შეწყვიტა.
City AM-მა 22 ივნისს გაავრცელა ინფორმაცია, რომ ასეთივე გამოძიება დაიწყო Nestle-მაც, – მსოფლიოს ერთ-ერთმა ყველაზე მსხვილმა სასმლისა და საკვების მწარმოებელმა კომპანიამ.
ეს კომპანიები საქართველოში წლების მანძილზე სატელევიზიო რეკლამს ერთ–ერთი ყველაზე მსხვილი შემსყიდველები არიან.
2026 წლის 24 თებერვალს, უკრაინაში რუსეთის სრულმასშტაბიანი შეჭრის მეოთხე წლისთავზე, დიდი ბრიტანეთის მთავრობამ ფინანსური სანქციები დაუწესა საქართველოში მოქმედ ორ პროსახელისუფლებო ტელევიზიას, „ტელეიმედსა“ და „პოსტივის“