პრემიერმინისტრი გიორგი გახარია ამბობს, რომ ქვეყანაში სრული “ლოკდაუნი” არ იქნება.
მისი თქმით, 2 იანვრიდან სავაჭრო ცენტრები დაიხურება.
“არაფერი არ იცვლება, მივყვებით გეგმას. გეგმაში არაფერი შეიცვლება. არ იქნება არანაირი სრული “ლოქდაუნი”, არ იქნება შეზღუდვა გადაადგილებაზე – ავტომობილებით თუ ფეხით. ერთადერთი, რაც 24 დეკემბრიდან გაიხნა, ისინი დაიხურება, ანუ სავაჭრო ობიექტები. სხვა შეზღუდვა არ იქნება – ამის აუცილებლობა არ არსებობს. ბოლო შეზღუდვების შედეგებს ჩვენ უკვე ვგრძნობთ. დანარჩენი არის ჭორები”, – განაცხადა გახარიამ.
