ბუკინგემის სასახლის სატახტო დარბაზში ფოტოგრაფმა რენალდ მაკეჩნიმ დედოფლისა და სამეფო ტახტის სამი შესაძლო მემკვიდრის ფოტო შობამდე ერთი კვირით ადრე, 18 დეკემბერს გადაიღო, თუმცა მხოლოდ გუშინ გამოაქვეყნა.
პორტრეტზე დედოფალი უფროს შვილ ჩარლზთან, შვილიშვილთან, პრინც უილიამთან და შვილთაშვილთან პრინც ჯორჯთან ერთად არის გადაღებული.
ამ ფოტოს გარდა გამოქვეყნდა ფოტო, რომელზეც დედოფალი და მისი მემკვიდრეები ვეტერანებისთვის საშობაო პუდინგის კეთებისას არიან გადაღებული.
ამავე ფოტოგრაფის მიერ არის გადაღებული ბრიტანეთის მონარქის და მისი პირდაპირი მემკვიდრეების ფოტო 2016 წელს, დედოფლის 90 წლის იუბილესთან დაკავშირებით. მაშინ პრინცი ჯორჯი მხოლოდ 3 წლის იყო და შორტები ეცვა, როგორც სამეფო ოჯახის პატარა ბიჭებისთვის პროტოკოლით არის გათვალისწინებული.
