ფოთში გვიან ღამით, მსუბუქი ავტომანქანა ელექტროგადამცემ ბოძს შეეჯახა, ბოძი კი ქვეითად მოსიარულეს დაეცა. დაშავებულია 2 პირი, მათ შორის მსუბუქი ავტომანქანის მძღოლი.
დაშავებულები ფოთის ცენტრალურ კლინიკურ საავადმყოფოში არიან გადაყვანილები.
ექიმების ინფორმაციით, ქვეითად მოსიარულე მამაკაცის ჯანმრთელობის მდგომარეობა მძიმეა. რაც შეეხება მსუბუქი ავტომობილის მძღოლს, მისი მდგომარეობა შედარებით სტაბილურია.
გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
