„მოსკოვის მექანიზმი“ ქმნის აბსოლუტურად ახალ რეალობას, ნელ – ნელა ამას ყველა შეიგრძნობს, – ასე ეხმაურება პარტია „დროას“ ლიდერი, ელენე ხოშტარია „მოსკოვის მექანიზმის” ანგარიშის გამოქვეყნებას.
უდიდესი გარღვევა მოხდა. ხალხის სიჯიუტემ, პოლიტიკური სპექტრისა და არასამთავრობოების მუშაობამ მოიტანა ეს გარღვევა. „მოსკოვის მექანიზმი” ქმნის აბსოლუტურად ახალ რეალობას, ნელ-ნელა ამას ყველა შეიგრძნობს.
„ქართული ოცნება” არის არალეგიტიმური და საერთაშორისოდ ბრალდებული. აღიარება-არაღიარება კი არა, „ქართული ოცნება” პოლიტიკის მიღმა, დამნაშავეების გვერდით აღმოჩნდა. ასეთების ადგილი კი სასამართლოებში, მათ შორის, ჰააგაშია.
ქართველ ხალხს მისცეს რეჟიმის პასუხისგების კონკრეტული და ძალიან ბევრი ინსტრუმენტი.
შეიცვალა ძალთა ბალანსი ჩვენსა და რუსულ ოცნებას შორის. მოძალადის წინააღმდეგ მოგვცეს სამართლიანი ძალის იარაღი!
ახლა მთავარი პასუხისმგებლობა ოპოზიციის ალიანსზეა, ოპტიმალურად ცვლილებების მოტანისთვის რომ გამოვიყენოთ ყველა ეს ბერკეტი”, – წერს ელენე ხოშტარია.