სექსუალური შევიწროების მრავალი შემთხვევის გამო ბრალდებული ჰარვი ვაინშტეინის საქმის სასამართლო განხილვაზე შესაძლოა ერთ–ერთი ნაფიცი მსაჯული ჯიჯი ჰადიდი გახდეს. მოდელი 120 პრეტენდენტისგან შემდაგრი სიის წევრია, რომლებსაც ნიუ იორკის მანჰეტენის რაიონის სასამართლო უწყებები დაეგზავნათ. ისინი სასამართლოში პირადად გამოცხადდნენ საჭირო დოკუმენტების შესავსებად. 13 იანვარს ჰადიდი სასამართლოს შენობასთან შენიშნეს. იმ დღეს ის მოსამართლე ჯეიმს ბერკს შეხვდა და მოუყვა, რომ კარგად იცნობს ვაინშტეინს და პირადად იცნობს სელმა ჰაიეკს, რომელმაც ჰილივუდელი პროდიუსერი სექსუალურ შევიწროებაში და ფიზიკური ძალადობის მუქარაში დაადანაშაულა. გარდა ამისა, ჰადიდი მეგობრობს ვაინშტეინის კიდევ ერთ მსხვერპლთან, კარა დელევინთან.
ჯერჯერობით ჯიჯი ჰადიდი ნაფიც მსაჯულთა საბოლოო სიაში არ მოხვედრილა, თუმცა თუ ეს მოხდება, პირობას დებს რომ სასამართლო პროცესის დროს მიუმხრობლობას შეინარჩუნებს.
