სისხლიანი სუპერმთვარე ბრიუსელში, ორმოცდაათწლეულის პარკში მდებარე ტრიუმფალური თაღის თავზე.
მთვარის დაბნელება გრინვიჩის დროით ღამის 02:35 საათზე დაიწყო და 07:49 საათზე დასრულდა. მთვარე დედამიწის ჩრდილის ჩრდილოეთ ნაწილში ერთი საათითა და სამი წუთით ჩაიძირა.
სუპერმთვარე საფრანგეთის ქალაქ ტურში, სენ–გოტენის ტაძრის თავზე.
სუპერმთვარის ნახვა მაშინ არის შესაძლებელი, როცა სავსემთვარეობა მთვარისა და დედამიწის მაქსიმალურ დაახლოებას ემთხვევა. როცა ეს ორი მოვლენა მთვარის დაბნელებასაც ემთხვევა, დედამიწის თანამგზავრი მოწითალო შეფერილობას იღებს. სწორედ აქედან გაჩნდა სახელწოდება “სისხლიანი მთვარე“.
სისხლიანი სუპერმთვარე ნიუ–იორკში, მსოფლიო სავაჭრო ცენტრის შენობასთან.
მთვარის სრული დაბნელების დროსაც კი მთვარე არ ქრება არამედ მუქ–წითელ ტონებს იღებს. ეს იმით აიხსნება, რომ მთვარე კვლავ განათებულია, თუმცა მზის სხივები, რომლებიც დედამიწის ზედაპირს გადიან, ატმოსფეროში იფანტებიან, და რადგან ის სინათლის მწითალო–მონარინჯისფრო სპექტრს უფრო ადვილად ატარებს, სწორედ ასეთი სხივები აღწევენ მთვარის ზედაპირამდე.
მთვარის დაბნელება. ნიუნბერგი. წმინდა ელიზაბეტას ტაძრის გუმბათის ფონზე.
21 იანვრის ღამეს მთვარის დაბნელების ხილვა შესაძლებელი იყო: ბრიტანეთში, საფრანგეთის ჩრდილო–დასავლეთში, ესპანეთის ჩრდილო დასავლეთში, პორტუგალიაში, რუსეთის ჩრდილო–აღმოსავლეთში, დასავლეთ აფრიკის ზოგიერთ ნაწილში, აზია–წყნარი ოკეანის რეგიონის აღმოსავლეთ ნაწილში.
სისხლიანი სუპერმთვარე. პრაღა. კარლ IV–ის ქანდაკების ფონზე.
სავსე მთვარე დედამიწას 362 კილომეტრზე უფრო ნაკლებ დისტანციაზე მოუახლოვდა და ორბიტის ჩვენს პლანეტასთან ყველაზე ახლო წერტილში იმყოფებოდა. ამგვარად, მთვარის ხილული დიამეტრი 8 პროცენტით გაიზარდა. მთვარე დედამიწის გარშემო ელიფსის ფორმის ორბიტაზე მოძრაობს, ანუ დედამიწასთან ხან უფრო ახლოს არის და უფრო დიდი ჩანს, ხან კი დედამიწას შორდება და ვიზუალურად უფრო პატარა ჩანს.
სისხლიანი მთავრე მანჰეტენის თავზე.
ყველაზე კარგად სუპერმთვარის დანახვა ჩრდილოეთ და სამხრეთ ამერიკის მაცხოვრებლებს შეეძლოთ. ევროპაში ნახევრადჩრდილოვანი დაბნელების ნახვა იყო შესაძლებელი. დაბნელების სრული ფაზის ხილვა კი მხოლოდ მთვარის “ჩასვლისას“, ანუ ჰორიზონტთან მიახლოებისას იყო შესაძლებელი.
სუპერმთვარე. ნანკინი. აღმოსავლეთ ჩინეთი.
ასტრონომები და ციურ სხეულებზე დაკვირვების მოყვარულები 21 იანვარს განსაკუთრებით იყვნენ მობილიზებული. მთვარის სრულ დაბნელებას დედამიწის მაცხოვრებლები კიდევ ერთხელ მხოლოდ ორი წლის შემდეგ – 2021 წლის მაისში იხილავენ.
მთვარის შემდეგი დაბნელება მხოლოდ ნაწილობრივი იქნება და 2019 წლის 16 ივლისს მოხდება.
