რა უნდა ვიცოდეთ ახალი კორონავირუსის ჯი-მუტაციაზე

კარგი ამბით დავიწყოთ: კოვიდ-19-ის გამომწვევი ვირუსის მუტაცია სახელად დი-614-ჯი (D614G), დღევანდელი მოცემულობით, არ ხდის ადამიანებს კიდევ უფრო ავად, ან უფრო მეტად არ ამძიმებს ინფიცირებულებს. ამ ეტაპზე, არ არსებობს მტკიცებულება, რომ ის უფრო დამაზიანებელია ადამიანის ორგანიზმისთვის, ვიდრე სხვა მუტაციები, რომელიც იწვევს დაავადებას კოვიდ-19.

აღნიშნული მუტაცია სიახლეს არ წარმოადგენს. ის ბოლო რამდენიმე თვის მანძილზე, ახალ კორონავირუსზე გამოქვეყნებულ კვლევებში არაერთხელ აღწერეს. აღნიშნულ მუტაციაზე ერთ-ერთი პირველი კვლევა 29 აპრილით არის დათარიღებული და მისი ავტორები ბეტ კორბერის მეთაურობით, ნიუ-მექსიკოს ლოს-ალამოს ეროვნული ლაბორატორიის მეცნიერები არიან. „ამერიკის ხმა“ ამ მუტაციაზე 8 მაისს წერდა.

თუმცა, მნიშვნელოვანია ის ფაქტი, რომ სულ უფრო მეტი მეცნიერი ფიქრობს, რომ შეიძლება სწორედ ეს მუტაცია იყოს პასუხისმგებელი სარს-კოვ-2-ის შედარებით დომინანტურ ვერსიაზე. დი-614-ჯი, ან უბრალოდ ჯი-მუტაცია (G) რამდენადმე განსხვავდება ვუჰანში პირველადი აფეთქების დროს გავრცელებული ვირუსის ორიგინალისგან.

პრობლემა იმაშია, რომ მეცნიერების აზრით, დღევანდელი მოცემულობით, ის უფრო გადამდები ჩანს, ვიდრე სარს-კოვ-2-ის სხვა მუტაციები. თუმცა, მეორეს მხრივ, ის, რომ დი-614-ჯი უფრო გადამდებია, ესეც ჯერჯერობით მხოლოდ ლაბორატორიული ექსპერიმენტების საფუძველზეა ცნობილი.

ამ საკითხზე მეცნიერები ჯერ კიდევ კამათობენ. ნაწილი ფიქრობს, რომ ევროპაში ვირუსი შემთხვევითი აფეთქებებით გამრავლდა. მეორე ჯგუფი არ გამორიცხავს, რომ ეს მუტაციის ბრალი იყოს. ფაქტია, რომ ჯერჯერობით ამ ვირუსზე და მის მუტაციებზე სამეცნიერო კონსენსუსი არ არსებობს და არაფერი გადაჭრით ცნობილი არ არის. შესაბამისად, არც პანიკის და არც დამშვიდების საფუძველს ეს მონაცემები არ იძლევა.

საინტერესოა მუტაციის დი-614-ჯი გეოგრაფია. მეცნიერები ფიქრობენ, რომ ის მსოფლიოს ბევრ ნაწილში დომინირებს, იქ სადაც პანდემიის აფეთქება განსაკუთრებით ძლიერი იყო. კერძოდ – ევროპაში და ამერიკის შეერთებული შტატების უმეტეს ნაწილში.

მუტაციას ყველა ვირუსი განიცდის, ეს ჩვეულებრივი ამბავია და გამონაკლისს არც სარს-კოვ-2 წარმოადგენს – ვირუსი, რომელმაც მილიონობით ადამიანი კოვიდ-19-ით დააავადა და რომლის გამოც ჯანდაცვის მსოფლიო ორგანიზაციამ პანდემია გამოაცხადა. ჯი-მუტაცია მსოფლიო მედიის ყურადღების ცენტრში ერთი შედარებით ახალი კვლევის გამო მოხვდა, რომელიც ჯერ სამეცნიერო ჟურნალში არ გამოქვეყნებულა.

ფლორიდაში მდებარე სკრიფსის კვლევითი ცენტრის მეცნიერთა ნაშრომი, 12 ივნისს მათივე ვებგვერდზე დაიდო. ის იმეორებს და ამყარებს ნიუ-მექსიკოს მეცნიერების კვლევების შედეგებს დი-614-ჯი მუტაციაზე. სკრიფსის მკვლევარები ადასტურებენ, რომ აღნიშნულ მუტაციაში ვირუსის ბიოლოგიური ფუნქცია რამდენადმე შეცვლილია.

ჯი-მუტაციის შემთხვევაში, ვირუსის ე.წ. სპაიკ-ცილები, რომლებიც გრაფიკულ გამოსახულებაზე საცეცებს ჰგავს, დაახლოებით, 5-ჯერ მეტი აქტივობით გამოირჩევა. როგორც ცნობილია, სწორედ მათი საშუალებით ეჭიდება ვირუსი უჯრედებს და აინფიცირებს მათ. შესაბამისად, რაც უფრო მეტად აქტიურია ეს სპაიკ-ცილები, მით უფრო დიდი უნარი აქვს ვირუსს ორგანიზმში შეღწევის. კვლევის წამყვანი ავტორები თვლიან, რომ ვირუსის ჯი-მუტაციას გადადების და გავრცელების 10-ჯერ მეტი შანსი აქვს, ვიდრე სხვებს.

პანდემიის დაწყებიდან, მეცნიერებმა შეისწავლეს მსოფლიოს თითქმის ყველა კუთხიდან აღებული ათასობით გენომის სიკვენსი (დნმ-ის შემადგენელი ერთეულების თანმიმდევრობა). ამ უნიკალურ პროექტში ლუგარის ლაბორატორიის სახით, საქართველო და ქართველი მეცნიერებიც მონაწილეობენ. ინფორმაცია ღია და განახლებად საერთაშორისო ინტერნეტ-ბაზაში იყრის თავს, რომელიც ვირუსების ევოლუციაზე და გავრცელების ტენდენციებზე დასაკვირვებლად, მეცნიერებისთვის ფასდაუდებელ წყაროს წარმოადგენს.

წყარო: ამერიკის ხმა

ბელარუსში ჰაკერებმა სახელისუფლებო მედია დაჰაკეს და ეთერში პოლიციის ძალადობის კადრები გაუშვეს (ვიდეო)

ბელარუსში სახელისუფლებო არხები, Беларусь 1-ი და ОНТ-ი დაჰაკეს და პირდაპირ ეთერში გაუშვეს ვიდეო კადრები, რომლებზეც ჩანს, როგორ სცემს და...

საქართველო მზადაა ნებისმიერი ფორმით ხელი შეუწყოს დეესკალაციას – საგარეო ყარაბაღზე

საგარეო საქმთა სამინისტრო აზერბაიჯანსა და სომხეთს შორის, ყარაბაღში სამხედრო კონფლიქტის მორიგ გამწვავებას ეხმაურება და...

ყარაბაღში აზერბაიჯანსა და სომხეთს შორის შეტაკებები განახლდა

სომხეთის პრემიერმინისტრის, პაშინიანის განცხადებით, აზერბაიჯანმა საჰაერო და საარტილერიო შეტევა წამოიწყო. აზერბაიჯანის მხარე აცხადებს, რომ...

“ჩვენ ვართ ერთიანები, მაგრამ არა ერთნაირები“–ელენე ხოშტარია ოპოზიციის დაპირისპირებაზე

ევროპული საქართველოს წევრი, ვაკის მაჟორიტარობის კანდიდატი, რომელსაც ოპოზიციის დიდი ნაწილი უჭერს მხარს, ელენე ხოშტარია...

სოხუმის დაცემის დღესთან დაკავშირებით, საქართველოს პარლამენტის შენობის ფასადზე სახელმწიფო დროშა დაუშვეს

სოხუმის დაცემის 27 წლისთავთან დაკავშირებით და აფხაზეთის ომში, დაღუპულთა ხსოვნის პატივის მიგების მიზნით, პარლამენტის...

კორონავირუსის 294 ახალი შემთხვევიდან 193 აჭარაში, 43 კი თბილისში გამოვლინდა

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, კორონავირუსით ინფიცირებულთა ყველაზე მეტი რაოდენობა, 66% აჭარას...

დღეს ლარი ზედმეტად გაუფასურებულია – გახარია

რა თქმა უნდა, ლარი დღეს ზედმეტად გაუფასურებულია,  - ამის შესახებ საქართველოს პრემიერ-მინისტრმა გიორგი გახარიამ...

საქართველოში კორონავირუსის 294 ახალი შემთხვევა გამოვლინდა

საქართველოში კორონავირუსით ინფიცირების შემთხვევათა რაოდენობა 294 -ით გაიზარდა და 5254 გახდა. ამის შესახებ ინფორმაცია მთავრობის...

სხვა სიახლეები

მზეზე აქტიურობის ახალი ციკლი იწყება. რა პრობლემები გველის დედამიწაზე

ნასა მზეზე მომეტებული აქტივობის ახალი პერიოდის დაწყების შესახებ იუწყება. მეცნიერებმა მას უკვე უწოდეს “მზის ციკლი 25“. ეს მნიშვნელვანია დედამიწის ელექტრონული ტექნოლოგიებისა და ასტრონავტებისთვის ორბიტაზე. კაცობრიობას...

ჯანმრთელობა

მეცნიერები: კორონავირუსი უჩვეულოდ მდგრადი და ელასტიური აღმოჩნდა

კორონავირუსი უჩვეულოდ ელასტიური და მაღაი ტემპერატურის მიმართ მდგრადია –ეს დასკვნა ბუდაპეშტში მდებარე ზემელვეისის უნივერსიტეტის მკვლევარების ჯგუფმა გააკეთა, რომელმაც  Sars-CoV-2–ის უწვრილესი ნემსით გახვრეტა გადაწყვიტა. მათ...

შოუ ბიზნესი

რატომ არ ყავს შარლიზ ტერონს წლების მანძილზე მეგობარი მამაკაცი

შარლიზ ტერონის ბოლო გახმაურებული რომანი მსახიობ შონ პენთან მისი ურთიერთობა იყო . ვრცელდებოდა ჭორები, რომ წყვილი დაქორწინებასაც აპირებდა, თუმცა თავად ტერონი ამას უარყოფდა. შონ...

ვიდეო