Telegram–ის მესენჯერ აპლიკაციის შემქმნელი, პაველ დუროვი ამბობს, რომ ბოლო სამი დღის განმავლობაში მის პლატფორმას 25 მილიონი მომხმარებელი დაემატა, ჯამში კი მომხმარებელთა რაოდენობამ ნახევარ მილიარდს გადააჭარბა.
რუსული წარმომავლობის აპლიკაციის პოპულარობის ზრდას რამდენიმე მიზეზი აქვს: ამერიკაში ტელეგრამზე ტრამპის მხარდამჭერები გადავიდნენ, რომლებსაც პრეზიდენტის კვალდაკვალ ტვიტერი და ფეისბუქი ბლოკავს.
ამასობაში კი მთელ მსოფლიოში მომხმარებლები აღშფოთებულნი არიან WhatsApp–ის გადაწყვეტილებით, რომელიც ამიერიდან მონაცემებს ფეისბუქს გადასცემს. განსაკუთრებული აღშფოთება ამ გადაწყვეტილებამ თურქეთში გამოიწვია.
თურქებმა მასობრივად დაიწყეს სამამულო და უცხოურ ალტერნატივებზე გადასვლა, და ერთ–ერთ ასეთ ალტერნატივად კი ტელეგრამი იქცა, სადაც ოფიციალური არხი ქვეყნის პრეზიდენტმა, რეჯებ ტაიპ ერდოღანმაც შექმნა და პირველ ფოტოდ კატასთან ერთად გადაღებული სურათი დადო.
