ხშირი სლოკინი შეიძლება კორონავირუსის ერთ–ერთი სიმპტომი იყოს. ამის შესახებ ჟურნალი The American Journal of Emergency Medicine წერს. 62 წლის პაციენტის გამოკვლევის შემდეგ, რომელიც ჩიკაგოდან არის და რომელსაც არც ხველა, არც ტემპერატურა ან მკერდში ტკივილი არ ქონია, ექიმებმა აღნიშნეს, რომ ოთხი დღის მანძილზე ის მუდმივად ასლოკინებდა.
Covid19-ის ტესტმა დადებითი შედეგი აჩვენა. ეს პირველი ოფიციალურად დარეგისტრირებული შემთხვევაა, როცა კორონავირუსით დაინფიცირებულ პაციენტს მსგავსი პრობლემა აწუხებდა.
