ევროკავშირის 17–მა ქვეყანამ უკრაინას 500 ენერგოგენერატორი გაუგზავნა, რათა ქვეყანას ელექტროენერგიის რეგულარული გათიშვების ფონზე მხარდაჭერა აღმოუჩინოს. ამის შესახებ ინფორმაცია ევროპის სამოქალაქო დაცვის და ჰუმანიტარული დახმარების მთავარმა სამმართველომ გაავრცელა. ის შუამავლის როლს ასრულებს ჰუმანიტარული დახმარების გადაცემაში.
იმ ქვეყნებს შორის, ვინც უკრაინაში ენერგგორესურსები გაგზავნა, არიან საფრანგეთი, გერმანია, შვედეთი, ესპანეთი, იტალია, სლოვენია, სლოვაკეთი, დანია და სხვები.
მანამდე უკრაინას 500 მობილური გენერატორი დიდმა ბრიტანეთმა გაუგზავნა
რუსეთის არმიამ ოქტომბრის შუა რიცხვებიდან უკრაინის ენერგეტიკულ ინფრასქტრუქტურაზე მრავალი დარტყმა განახორციელა. ზელენსკი ამბობდა, რომ შეტევებმა ქვეყნის ენერგოობიექტების 40%–ის დაზიანება გამოიწვია. უკრაინის ხელისუფლებამ ელექტროენერგიის მიწოდების გრაფიკი დააწესა. პიკის საათებში მოქალაქეებს მოუწოდებენ არ გამოიყენონ ელექტროდანადგარები. ქუჩებში ითიშება ქუჩის განათება და ჩერდება ტროლეიბუსების მოძრაობა. ნოემბრის დასაწყისში ევროკომისარმა ენერგეტიკის საკითხებში, კადრი სიმსონმა კიევში ვიზიტის რდოს თქვა, რომ ევროკავშირი სწავლობს უკრაინის ენერგოსექტორის დახმარების შესაძლებლობებს. მან უცხოურ კომპანიებს მოუწოდა განსაკუთრებული ყურადღება დაუთმონ უკრაინისთვის ენერგოაღჭურვილობის მიწოდებას.
