რუსეთის პრეზიდენტის სიტყვბეი იმის შესახებ, რომ “რუსეთის ფედერაციას ჯერ სერიოზულად არც კი დაუწყია რამე“, პროფესორი ფრენსის ფუკუიამა ბლეფს უწოდებს. ამის შესახებ მან დოიჩე ველესთან ინტერვიუში განაცხაცხადა.
სტენფორდის უნივერსიტეტის პროფესორის თქმით, დასავლელი სამხედრო ანალიტიკოსები აღნიშნავენ რუსულ არმიაში პირადი შემადგენლობის მწვავე უკმარისობას. რუსულმა არმიამ უკრაინაში შეჭრამდე მობილიზებული პირადი შემადგენლობის მესამედი დაკარგა. ოკუპანტის ძალების დანაკარგი დაახლოებით 80 000 სამხედროს შეადგენს, საიდანაც მინიმუმ 20 ათასი მოკლულია. ეს არის მონაცემები ტყვეების გათვალისწინების გარეშე.
ისეთი დიდი ქვეყნისთვისაც კი, როგორიც რუსეთია, უკრაინაში შეჭრა – ეს არ არის “პატარა სამხედრო ოპერაცია“. სამხედრო თვალსაზრისით კი, ფუკუიამას განცხადებით ეს პრაქტიკულად კატასტროფაა.
“თუ გავითვალისწინებთ, რომ რუსეთის არმიამ ბოლო ორი თვის მანძილზე, დონბასზე სამხედრო მოქმედებების კონცენტრირების შემდეგ მხოლოდ უმნიშვნელოდ წაიწია წინ, ვვარაუდობ, რომ მათ არც ისე ბევრი რეზერვი აქვთ, ასე რომ, ჩემი აზრით, პუტინი ბლეფობს, როცა ამბობს, რომ “მათ ჯერ არცკი დაუწყიათ“. – ამბობს ფუკუიამა.
შეგახსენებთ, 7 ივლისს რუსეთის პრეზიდენტმა განაცხადა, რომ მათ უკრაინასთან ომი ჯერ სერიოზულად არცკი დაუწყიათ.
