ბელა ჰადიდის ასლი, ანჯელინა ჯოლის მონაცვლე, ბრედ პიტის ახალი სატრფო – ეს ყველაფერი 27 წლის მოდელის, ნიკოლ პოტურალსკის შესახებ იწერება, რომელიც ცოტა ხნის წინ ბრედ პიტთან ერთად შენიშნეს. ვინ არის და როგორ გამოიყურება ცნობილი ვარსკვლავის სავარაუდო ახალი შეყვარებული, ნახეთ ჩვენს მასალაში:
ბრეტ პიტი ამ დღეებში აეროპორტში ეფექტურ გოგოსთან ერთად შენიშნეს. მისი ვინაობა მალევე დაადგინა მედიამ : ეს არის 27 წლის მოდელი გერმანიიდან, ნიკოლ პოტურალსკი, რომელიც ისეთ სააგენტოებთან თანამშრომლობს, როგორებიც არის: Management, Official Models , NEXT Models. მისი სამუშაო ფსევდონიმია ნიკო მერი. მან უკვე მოასწრო ისეთი ცნობილი გამოცემებისთვის გადაღება, როგორებიც არის: Harper’s Bazaar, ELLE , Grazia.
ბევრი საუბრობს ანჯელინა ჯოლისთან მის მსგავსებაზე: გაბერილი ტუჩები, სიგამხდრე, სახის გამოკვეთილი ნაკვთები. თუმცა, თუ კარგად დააკვირდებით, ნიკოლი მისი მსოფლხედველობით და ცხოვრების სტილით მნიშვნელოვნად განსხვავდება პიტის ყოფილი ცოლისგან: ის ხშირად მოგზაურობს, უყვარს მკვეთრი და მოდური ტანსაცმელი, აქტიურობის ინსტაგრამის გვერდზე, არ ეშინია გამოხატოს სამოქალაქო პოზიცია, მხარს უჭერს მოძრაობას Black Lives Matter და იბრძვის იარაღით ვაჭრობის წინააღმდეგ.
მისი ჩაცმის სტილი მოდელების კლასიკურ ყოველდღიურ სტილს გავს – ტოპები, დაბალწელიანი შარვლები, მინიატურული ჩანთები, კედები და ა.შ. აქსესუარებიდან უყვარს ყელსაბამები და საყურეები. მისი მაკიაჟი ყოველთვის ნატურალურია, მკაფიო დეტალების გარეშე. სამაგიეროდ თამამად იხდენს მოდურ სათვალეებს და თავსაბურავებს.
ის ხშირად იღებს ფოტოებს მკაფიო ფერის წინდებში. ამჯობინებს სპორტულ ფეხსაცმელს, ბოტასებს ან დაბალქუსლიან სანდლებს.
