სტატიაში გაიგებთ თუ როგორ ამოიცნოთ მოძალადე და ტოქსიკური ადამიანი და როგორ აარიდოთ თავი მას.
ცხოვრებაში ყველაფერი ხდება, მოძალადე ადამიანებთან შეხვედრების ჩათვლით. თავდაპირველად, შეიძლება ვერც კი გააცნობიეროთ, რომ ადამიანთან რომელთანაც ურთიერთობაში იმყოფებით ტოქსიკურია მაგრამ თუ იცით ზოგიერთი ნიშანი, შეძლებთ დაუყოვნებლივ ამოიცნოთ იგი და თავიდან აიცილოთ მისი გავლენა თქვენს ცხოვრებაზე.
ძალადობა შეიძლება იყოს ეკონომიკური, ფიზიკური, სექსუალური და ემოციური. ყველაზე ხშირად მოძალადეები პოულობენ ადამიანებს, რომლებსაც შეგნებულად ან გაუცნობიერებლად მოსწონთ მსხვერპლის როლში ყოფნა. როგორც ფსიქოლოგები ამბობენ, ეს ძალიან ძლიერი კავშირია, ვინაიდან მასში არის დამოკიდებულება – მსხვერპლი მოძალადეზეა დამოკიდებული და პირიქით. ასეთი ურთიერთობები კარგს არაფერს იწვევს – ისინი თრგუნავენ თქვენს შინაგან მდგომარეობას და შეიძლება იყოს სავსე ფიზიკური დაზიანებებით. ამიტომ ძალიან მნიშვნელოვანია მოძალადის დროულად ამოცნობა და მისგან თავის არიდება.
ქვემოთ ჩამოთვლილია მოძალადის რამდენიმე მნიშვნელოვანი ნიშანი, რომელთა ცოდნაც მნიშვნელოვანია, რათა დროულად შეამჩნიოთ ნეგატიური ადამიანი და არ აღმოჩნდეთ მასთან ურთიერთობაში.
სისტემატურობა
თუ სხვა ადამიანის გვერდით თავს მუდმივად მსხვერპლად გრძნობ, ყველაფერში საკუთარ თავს ადანაშაულებ, ეს უკვე პირველი ნიშანია.
კონტროლი
მოძალადეებს ძალიან ეშინიათ მსხვერპლის დაკარგვის. ამიტომ, ყველანაირად აკონტროლებენ მას. ის მოიკითხავს ყველა თქვენი მეგობრის ტელეფონის ნომერს, ჩაერევა ყველა იმ საქმეში რომლითაც კავდებით, გააკონტროლებს თქვენს ჰობის და ასევე გააკონტროლებს თქვენს ფინანსებსაც.
ფსიქოლოგები აღნიშნავენ, რომ ადამიანი, რომელიც ცდილობს გააკონტროლოს თქვენი შემოსავალი და ხარჯები, ცდილობს თქვენს დამორჩილებას. როგორ მუშაობს ეს? სინამდვილეში, ერთ-ერთი ყველაზე ძლიერი დამოკიდებულება არის ფინანსური დამოკიდებულება. თუ ქალი ფინანსურად არის დამოკიდებული მამაკაცზე, მას გაუჭირდება მასთან დაშორება. მოძალადე მამაკაცები, თავის მხრივ, ხშირად იყენებენ ამას.
დამცირება
შეურაცხმყოფელი ურთიერთობის მთავარი და, ალბათ, ყველაზე გავრცელებული ნიშანი არის მამაკაცის სიტყვები, რომ არავინ შეგიყვარებს ისე, როგორც მან შეგიყვარათ და რომ არავის სჭირდები მის გარდა. თუ თქვენს პარტნიორისგან გაიგონებთ ასეთ ფრაზას – გაიქეცით.
აგრესია დაუცველების მიმართ
თუ შეამჩნევთ, რომ ადამიანი შეურაცხყოფას აყენებს ბავშვებს, ცხოველებს ან უნარ შეზღუდულ ადამიანებს ეს ნიშნავს, რომ ის ცდილობს უფრო ძლიერი გამოჩნდეს მათ ფონზე. შემდგომში შედეგები ძალიან სავალალო იქნება, თუ ასეთ ადამიანს არ მოიშორებთ.
კრიტიკა
ჩვეულებრივ მოძალადეებს ძალიან უყვართ სხვების კრიტიკა და დასჯა. თუ თქვენი პარტნიორი ან თქვენი ნაცნობი მუდმივად უკმაყოფილოა რომ არაფერი მოსწონს, ყველა ცუდია მაგრამ მხოლოდ ის არის კარგი ეს მოძალადის კიდევ ერთი დამახასიათებელი ნიშანია.
