“პატრიოტთა ალიანსია პარტია, თორემ რისი პატრიოტები არიან”,- ამბობს ქართული ოცნების წევრი, მამუკა მდინარაძე. მისი თქმით, “ამ ხალხისგან რუსულ წრეზე ტრიალი გასაკვირი არ არის.”
“დღეს, უბრალოდ, ზოგადად, შეგვიძლია გავაკეთოთ პოლიტიკური განცხადება — არ გვიკვირს ჩვენ ამ ხალხისგან რუსულ წრეზე ტრიალი და რუსული კონტაქტები. არანაკლებ საშიშები არიან ერთმანეთზე ის ადამიანები, რომელებიც აშკარად რუსულ პოზიციებს აფიქსირებენ და ის ადამიანები, რომლებიც არ აფიქსირებენ და რუსულ საქმეს აკეთებენ. სამწუხაროდ, ძალიან ბევრი გვყავს ქვეყანაში ასეთი”, – ამბობს მდინარაძე.
ცენტრმა დოსიემ 2 საგამოძიებო სტატია გამოაქვეყნა, რომელშიც პატრიოტთა ალიანსის რუსულ კავშირებზეა საუბარი. “დოსიეს” კვლევით, პარტიამ რუსეთიდან 8 მილიონი დოლარის დაფინანსება მიიღო. ასევე დღემდე იღებს ინსტრუქციებს და მითითებებს, თუ როგორ მოიქცნენ წინასაარჩევნოდ, რაზე ისაუბრონ, როდის ჩაატარონ აქცია, რა სახის რეკლამა განათავსონ ეთერში და ა.შ.
