რუსული თვითმფრინავი Azimuth Airlines-ი თბილისის საერთაშორისო აეროპორტში დაეშვა ოკუპანტი ქვეყნიდან წამოსულ რუსებს საქართველოში საპროტესტო აქციით ხვდებიან. ადგილზე შეკრებილები არიან სტუდენტები, ოპოზიციონერი პოლიტიკოსები, სამოქალაქო აქტივისტები და რიგითი მოქალაქეები. აქციის მონაწილეების მთავარი გზავნილი არის, რომ რუსულმა თვითმფრინავებმა საქართველოს საჰაერო სივრცეში არ უნდა იფრინონ, მათი მთავარი ადრესატი კი “ქართული ოცნებაა”.
აეროპორტში შსს-ს განსაკუთრებული მობილიზება აქვს გამოცხადებული. ადგილზე იმყოფება, ვაჟა სირაძეც.
”აქციაა დანონსებული, ყველა აქციაზე სამართალდამცავი ორგანოს წარმომადგენლები, საზოგადოებრივი წესრიგის დაცვისთვის იმყოფებიან ადგილზე” – ამბობს ვაჟა სირაძე “ფორმულასთან”.
ასევე დღეს ცნობილი გახდა, რომ საქართველომ პირდაპირი ფრენების უფლება, აშშ-ის და უკრაინის მიერ მიერ სანქცირებულ, რუსულ ავიაკომპანიასაც მისცა.