ტყუილია, რომ თითქოს, ქართულმა ოცნებამ ცალმხრივი გადაწყვეტილებით, ევროინტეგრაციის პროცესი 2028 წლამდე შეაჩერა. ქართულ ოცნებას ევროინტეგრაციის პროცესი არასოდეს შეუჩერებია – პირიქით, ჩვენი ხელისუფლების თანმიმდევრული პოლიტიკის შედეგად, დღეს საქართველო, სხადასხვა მიმართულებით, ბევრად უფრო ახლოს არის ევროპულ სტანდარტებთან, ვიდრე სხვა კანდიდატი ქვეყნები […] 2024 წელს საქართველოსთან პოლიტიკური დიალოგი ბრიუსელის გადაწყვეტილებით შეჩერდა და არა ქართული ოცნების […]
კანდიდატ ქვეყანასთან მოლაპარაკებების გახსნაზე გადაწყვეტილებას ევროსაბჭო იღებს და არა თავად კანდიდატი ქვეყანა. დღეს აქ კიდევ ერთხელ ხმამაღლა შეგვიძლია განვაცხადოთ – საქმე შანტაჟის ნაცვლად. ევროკავშირის საბჭოს გადაწყვეტილების მიღებისთანავე, მზად ვართ, ევროკავშირთან მოლაპარაკებები ვაწარმოოთ, თუმცა ამისთვის მინიმუმ ისაა საჭირო, რომ ევროკავშირის ბიუროკრატია ასოცირების შეთანხმებით ნაკისრი ვალდებულებების შესრულებას დაუბრუნდეს.
