“ქართულ ოცნებას მინდა ვკითხო – სახელმწიფო გაუქმდა?”,- ასე ეხმიანება “მოქალაქეების” ლიდერი, ალეკო ელისაშვილი რამდენიმე წუთის წინ პალიტრანიუსის ოპერატორზე ძალადობას.
“რამე ახალი მხედრიონი მართავს საქართველოს და ურტყამს ხალხს თავის ნებაზე თუ როგორაა ეგ ამბავი? ჯერ ამ უწესიერეს კაცს, ბექას ვინ გარეწარმა დაარტყა და მერე მეორე – რა ვქნათ, ყველამ ჩვენი გასამხედროებული რაზმები შევქმნათ უკვე? რა ხდება საერთოდ აგვისხნას ვინმემ”,- წერს ელისაშვილი.
53 ჟურნალისტზე ძალადობის შემდეგ, ჟურნალისტების ფიზიკური შეურაცხყოფა დღესაც გრძელდება.
