“ჩემგან გაიგო სასამრთლოში არსებული პრობლემები, აღნიშნა, თითქოს მე მის ოფისში დავდიოდი. ის არის მატყუარა, როდესაც ამას ამბობს” – ასე აფასებს ტვ „პირველის“ ეთერში იუსტიციის არამოსამართლე წევრი ნაზი ჯანეზაშვილი, ალეკო ელისაშვილის დღევანდელ განცხადებას. ალეკო ელისაშვილმა დღეს განაცხადა რომ ნაზი ჯანეზაშვილის განცხადებები ანა დოლიძეზე გვრიტიშვილის განცხადებებს ემთხვევა.
“მე მინდა გამოვეხმაურო ალეკო ელისაშვილს, რომელმაც დღეს ჩემ შესახებ ისაუბრა. ძალიან მიკვირს რომ ელისაშვილი, რომელმაც სასამართლოს თემა არ იცის და ჩემგან გაიგო სასამრთლოში არსებული პრობლემები, მე მახსენებს, რომ თითქოს გვირიტიშვილთან უნისონში ვსაუბრობ. ეს სრულიად ამაზრზენია ჩემთვის და განსაკუთრებით იმ ადამიანისგან, რომელიც ინფორმირებული არ არის, რა გავაკეთე მე იუსტიციის საბჭოში და ვინ იყვნენ კლანის წევრები, რომლებმაც სასამართლოს ზიანი მიაყენეს. მან აღნიშნა, თითქოს მე მის ოფისში დავდიოდი. ის არის მატყუარა, როდესაც ამას ამბობს. მე არავის ოფისში არ დავდიოდი. ეს ერთადერთი საჯარო შეხვედრა იყო, სადაც მე და ანა ვხვდებოდით პოლიტიკოსებს იუსტიციის სასამართლოში მოსამართლეთა არჩევის თემაზე”- განაცხადა ნაზი ჯანეზაშვილმა.
ცნობისთვის, ნაზი ჯანეზაშვილისა და არასამთავრობო ორგანიზაციების შეფასებით, ანა დოლიძე პოლიტიკურ საქმიანობაში მონაწილეობით კანონს არღვევს, რადგან იუსტიციის უმაღლესი საბჭოს წევრს პოლიტიკური საქმიანობის უფლება არ აქვს.
დღეს ალეკო ელისაშვილმა, ლევან იოსელიანმა იუსტიციის უმაღლესი საბჭოს არამოსამართლე წევრმა, ანა დოლიძემ და პარლამენტის დამოუკიდებელმა დეპუტატმა ლევან კობერიძემ ერთობლივი პოლიტიკური პლატფორმა შექმნეს.
