საპარლამენტო უმრავლესობის ლიდერის, მამუკა მდინარაძის განცხადებით, შიდაპარტიული კვლევებით “ქართული ოცნების” რეიტინგი 55%–ზე „გაცილებით მეტია“.
„საერთოდ, ციფრების სიზუსტით კვლევებზე პარტიები არ საუბრობენ, რადგან ეს შიდა სამზარეულოა და მხოლოდ ზოგადად საუბრობენ. მე შემიძლია დაგიდასტუროთ, რომ ჩვენი შიდაკვლევით, უფრო მაღალი შედეგი აქვს „ქართულ ოცნებას“, ვიდრე ეს იყო ბოლო Gorb- ის კვლებაში. მაშინ გახსოვთ, ჩვენი რეიტინგი იყო 55 პროცენტი. ჩვენ დარწმუნებით შეგვიძლია გითხრათ, რომ 55 პროცენტზე გაცილებით მეტი აქვს დღეს ” ქართულ ოცნებას” რეიტინგი, ჩვენი შიდა კვლევებით,“- განაცხადა მდინარაძემ.
მანვე გუშინ განაცხადა, რომ საპარლამენტო არჩევნებში “ქართული ოცნების” გამარჯვება გარდაუვალია, გამარჯვების კარგად გაფორმებაში კი გუნდს საარჩევნო შტაბის ხელმძღვანელი, ირაკლი კობახიძე დაეხმარება.
