მოსამართლე ზვიად ცეკვავამ მწერალ ბექა ლოხიშვილს პოლიციელებზე დაწერილი ფეისბუქპოსტის გამო 15-დღიანი პატიმრობა შეუფარდა.
ლოხიშვილი 23 აპრილს გამოქვეყნებულ პოსტში პოლიციელების ქცევას მოტოციკლეტებთან დაკავშირებით აკრიტიკებდა, ხოლო ”ქართულ ოცნებაზე” წერდა, რომ არის “ტერორისტული ორგანიზაცია.”
პოლიციელის შეურაცხყოფა ადმინისტრაციულ სამართალდარღვევათა კოდექსის 173-ე მუხლის მეორე ნაწილია, რომელიც სახდელის სახით ითვალისწინებს როგორც დაჯარიმებას, ასევე 60 დღემდე პატიმრობას. დარღვევის მესამედ განმეორება უკვე სისხლის სამართლის კვალიფიკაციას იძენს.
