“ქართული ოცნების” მთავრობის ადმინისტრაციის ცნობით, ერევანში მიმდინარე ევროპული პოლიტიკური საზოგადოების სამიტის ფარგლებში, ივანიშვილის პრემიერი, ირაკლი კობახიძე უკრაინის პრეზიდენტს, ვოლოდიმირ ზელენსკის შეხვდა.
“შეხვედრაზე, რომელიც უკრაინული მხარის ინიციატივით გაიმართა, საუბარი ორი ქვეყნის ურთიერთობებს შეეხო. შეხვედრაში ორი ქვეყნის საგარეო საქმეთა მინისტრებიც მონაწილეობდნენ”. – წერს ივანიშვილის მთავრობის ადმინისტრაცია.
