გამოცემა the wall street joural წერს, რომ ბოლო თვეებში რუსეთის არმია ფრონტზე სერიოზულ პრობლემებს აწყდება, ხოლო უკრაინამ ტაქტიკური და ტექნოლოგიური უპირატესობის მოპოვება შეძლო.
„რუსეთის საქმეები ცუდად მიდის, მაგრამ არა იმდენად ცუდად, რომ ვლადიმირ პუტინი მოქმედებაზე აიძულოს“, — ნათქვამია მასალაში.
აღინიშნება, რომ რუსეთის წინსვლის ტემპი ახლა ბოლო ორი წლის განმავლობაში ყველაზე ნელია, ხოლო რუსეთის დანაკარგები ყოველთვიურად ათიათასობით ადამიანად ფასდება.
ერთ-ერთ მთავარ ფაქტორად სახელდება უკრაინული საშუალო რადიუსის დრონების განვითარება, რომლებიც რუსეთის ღრმა ზურგში ლოგისტიკას, შტაბებს, საჰაერო თავდაცვასა და მართვის სისტემებს ურტყამენ.
„რუსეთს სულ უფრო უჭირს ასეთ მანძილზე დარტყმების განხორციელება“, — განაცხადა ანალიტიკოსმა რობ ლიმ.
ამასთან, სამხედრო ანალიტიკოსი ფრანც-შტეფან გადი მიიჩნევს, რომ უკრაინა უფრო ძლიერ პოზიციაშია, ვიდრე ბევრს ეგონა. თუმცა ომი ადაპტაციის ციკლებს გულისხმობს და მთავარი კითხვა ის არის, შეძლებს თუ არა რუსეთი უკრაინის გაუმჯობესებულ შესაძლებლობებზე პასუხის პოვნას.
