სასამართლო კლანის გადადგომის მოთხოვნითსაპროტესტო აქცია გაიმართა სასტუმრო რედისონთან, სადაც საქართველოს პარლამენტის თავმჯდომარის ირაკლი კობახიძის ხელმძღვანელობით სასამართლო რეფორმის სამუშაო ჯგუფის შეხვედრა მიმდინარეობს.
აქციის მონაწილეები იუსტიციის საბჭოს 11 წევრის გადადგომას მოითხოვდნენ, რომლებმაც მხარი დაუჭირეს ლევან მურუსიძის უვადოდ დანიშვნას და ხმა მისცეს უზენასი სასამართლოს მოსამართლეთა კანდიდატების სიას. აქციის მონაწილეთა განცხადებით, მნიშვნელოვანია თანამდებობები დატოვონ ე.წ. სასამართლოში არსებული „კლანის“ ლიდერებმა, რათა საზოგადოებაში გაჩნდეს იმის განცდა, რომ ქართული სასამართლო არის დამოუკიდებელი და ობიექტური. აქციის მონაწილეთა თქმით ეს ადამიანები აზიანებენ სასამართლო ხელისუფლებას.
სასტუმრო „რედისონის“ წინ მიმდინარე აქციის მონაწილეებმა შეხვედრაზე მისული პარლამენტის თავმჯდომარე ირაკლი კობახიძე, დეპუტატები და მოსამართლე მურუსიძე სასტუმროში შეძახილებით შეაცილეს.
შეხვედრის მონაწილეები უზენაესი სასამართლოს მოსამართლეობის კანდიდატების დასახელების პროცედურასა და კრიტერიუმებზე მსჯელობენ. შეხვედრას საკანონმდებლო ორგანოს წარმომადგენლები და მოსამართლეთა ნაწილი ესწრება.