“მე-6 ციხეში ვითარება დაძაბულია. პატიმარმა ვენები გადაიჭრა. პატიმრების ნაწილმა შიმშილობა დაიწყო, ითხოვენ გავრცელებულ კადრებში მყოფი თანამშრომლების დაუყოვნებლივ გათავისუფლებას” – ამის შესახებ, ინფორმაციას სინდისის პატიმარი საბა სხვიტარიძე ავრცელებს.
მისი თქმით, პატიმრების ნაწილი გადაყვანილია სხვა ციხეში,არ იციან სად არიან,ნაწილი კი დეესკალაციის ოთახში გადაიყვანეს.
„მეექვსე მკაცრი რეჟიმის საპყრობილეში ვითარება დაძაბულია. პატიმრებს პროვოკაციას უწყობენ და 10-12 წელს უმატებენ.
პატიმარმა ვენები გადაიჭრა
გუშინ ჩემ საკანთან პატიმარი სცემეს – მესმოდა ჩხუბის და ცემის ხმა.
პატიმრების ნაწილი გადაყვანილია სხვა ციხეში, არ ვიცით სად არიან. ნაწილი დეესკალაციის ოთახში არიან გადაყვანილები.
პატიმრების გარკვეულმა ნაწილმა შიმშილობა დაიწყო – ითხოვენ გავრცელებულ კადრებში მყოფი თანამშრომლების დაუყოვნებლივ გათავისუფლებას!
ასევე სახალხო დამცველის შესვლას ყველა მოშიმშილე პატიმართან!
ჩვენი სურვილია საჯარო გახდეს ეს ამბავი და გვერდში დაგვიდგეს ხალხი“, – წერს საბა სხვიტარიძე.