სტამბოლში ძლიერი წვიმის შედეგად გამოწვეულ წყალდიდობას ორი ადამიანის სიცოცხლე ემსხვერპლა.
წყლის ნაკადმა ავტომობილები წაიღო, მუშები კი ღამით სტიქიის ზონაში ჩარჩნენ. ქალაქის ადმინისტრაციის გადაწყვეტილებით, ხუთშაბათს სასწავლო პროცესი შეჩერდა, ხოლო ზოგიერთი საჯარო მოხელე დროებით შვებულებაში გაუშვეს.
.
სტამბოლის მერიის განცხადებით, ქალაქის ზოგიერთ ნაწილში 1985 წლის შემდეგ ყველაზე ძლიერი ნალექი დაფიქსირდა.
გუბერნატორის ადმინისტრაციის ცნობით, ფათიჰის რაიონში 14 წლის მოზარდი დაიღუპა მას შემდეგ, რაც ჩუკურბოსტანის პარკში გუბეში ფეხი ჩადგა და დენმა დაარტყა.
სამაშველო ჯგუფებმა სატვირთო და მიკროავტობუსები გამოიყენეს იმ 200-მდე მუშის ევაკუაციისთვის, რომლებიც ღამის ცვლაში მუშაობდნენ და აიაზაღას ქემერბურგაზის ქუჩაზე მდებარე სამუშაო ადგილებზე ჩარჩნენ.
ტრანსპორტისა და ინფრასტრუქტურის სამინისტროს ცნობით, სტამბოლის აეროპორტის მიმართულებით მიმავალი 43 ავიარეისი თურქეთისა და საზღვარგარეთის სხვა აეროპორტებში გადამისამართდა.
ხელისუფლება მოსახლეობას მოუწოდებს, დარჩნენ სახლში, თუ გარეთ გასვლა უკიდურესად აუცილებელი არ არის. ხოლო მათ, ვინც სარდაფის ტიპის ბინებში ცხოვრობს, ურჩიეს, ღამე სხვაგან გაატარონ.