უკრაინის სახალხო დამცველი, ლუდმილა დენისოვა აცხადებს, რომ ამ დრომდე რუსეთის აგრესიის შედეგად 210-ზე მეტი მშვიდობიანი მოქალაქე დაიღუპა, 1100-ზე მეტი კი დაშავდა.
მისი თქმით, მტერი უპრეცედენტო სისასტიკით მტერი ანგრევს სახლებს, საავადმყოფოებს, საბავშვო ბაღებსა და სკოლებს, ართმევს სიცოცხლის უფლებას უკრაინელ ბავშვებსაც კი.
“კიევის ოჰმატდიტის ბავშვთა საავადმყოფოს საარტილერიო დაბომბვის შედეგად ერთი ბავშვი დაიღუპა და ოთხი სხვა (ორი ბავშვი და ორი ზრდასრული დაშავდა).
რუსულმა DRG-მ ქუჩაში მანქანას ესროლა კიევში, სადაც სამიშვილიანი ოჯახი იმყოფებოდა. გოგონა და მისი მშობლები დაიღუპნენ, კიდევ ორი ბავშვი კრიტიკულ მდგომარეობაშია საავადმყოფოში.
ხერსონთან ახლოს, მტერმა სასწრაფო დახმარების მანქანას დაარტყა. მძღოლი და დაჭრილი უკრაინელი ჯარისკაცი დაიწვნენ, ერთ-ერთ დაჭრილს ცეცხლსასროლი იარაღიდან ესროლეს.
სუმის ოლქის ოხტირკას რაიონში რუსულმა ტანკებმა მშვიდობიანი მოქალაქეების ავტობუსი ესროლეს.
ხერსონის რაიონში სოფ. ზელენივკაში რუსმა სამხედროებმა სამოქალაქო ჟურნალისტის მანქანას ცეცხლი გაუხსნეს.
საარტილერიო ჭურვის შედეგად ხარკოვის მაღალსართულიან კორპუსში ქალი გარდაიცვალა.
ავტობუსში, რომელსაც აგრესორის ჯარებმა ცეცხლი გაუხსნეს ხარკოვის რეგიონში ვოლოხივ იარში 5 ადამიანი დაიღუპა და 6 დაშავდა.
ჩერნიხოვში სითბოსა და სინათლის გარეშე დარჩა პანსიონატი, რეგიონალური საავადმყოფო, ფსიქონევროლოგიური საავადმყოფო, დაანგრიეს საბავშვო ბაღი.
მძიმე არტილერიის დაბომბვის შემდეგ დონეცკის ოლქის მარიუპოლის საავადმყოფოებში 47 მშვიდობიანი მოქალაქე იმყოფება, მათ შორის 17 მძიმე მდგომარეობაშია.
კიევის ოლქში, ვასილკოვში, მტერმა ცეცხლი გაუხსნა ბავშვთა სკოლა-ინტერნატს”,– წერს დენისოვა.
მისივე განცხადებით, არ დარჩა საერთაშორისო ჰუმანიტარული სამართლის ნორმა, რომელიც რუსეთის ფედერაციას არ დაურღვევია უკრაინაში შეჭრისას და ყველა ამ დანაშაულისთვის მან უნდა აიღოს ყველაზე მკაცრი პასუხისმგებლობა.
“უკრაინა აფიქსირებს ყველა ფაქტს ჰააგის სამხედრო ტრიბუნალში წასაღებად”,– აღნიშნავს სახალხო დამცველი.
