უკრაინის გენერალური შტაბის განცხადებით, ხარკოვის რეგიონში უკრაინის შეიარაღებული ძალების საჰაერო სადესანტო ძალების მებრძოლებმა ჩამოაგდეს ოკუპანტების კიდევ ერთი ვერტმფრენი Ka-52, რომელიც დაახლოებით $16 მილიონი ღირს.
გენშტაბის ცნობით, აღნიშნული ვერტმფრენი 2008 წლიდან მზადდება და აღჭურვილია ლაზერული მართვის სისტემით, ტანკსაწინააღმდეგო სარაკეტო სისტემით, საჰაერო ბომბებითა და სხვა იარაღით.
“Ka-52-ის ღირებულება დაახლოებით 16 მილიონი აშშ დოლარია. ერთად გავიმარჯვოთ!,– აცხადებს შეიარაღებული ძალების გენერალური შტაბი.
უკრაინული მხარის მონაცემებით, შეიარაღებულმა ძალებმა უკვე ჩამოაგდეს ოკუპანტების 154 ვერტმფრენი. მათგან რამდენია Ka-52, უცნობია.
