ჯუანშერ ბურჭულაძის ადვოკატი, მარიამ შათირიშვილ არ გამორიცხავს, რომ “ქართული ოცნების” პრეზიდენტს, მიხეილ ყაველაშვილს შეწყალების თხოვნით მიმართონ.
“ამ ეტაპზე ეს საკითხი არ განიხილება, შეიძლება შემდგომ ეტაპზე იყოს”, – განაცხადა ბურჟულაძის ადვოკატმა მარიამ შათირიშვილმა.
საქართველოს თავდაცვის ყოფილი მინისტრი ჯუანშერ ბურჭულაძე სახელმწიფო უსაფრთხოების სამსახურმა 2025 წლის 11 სექტემბერს, სამსახურებრივი უფლებამოსილების ბოროტად გამოყენებისა და დიდი ოდენობით საბიუჯეტო სახსრების გაფლანგვის ბრალდებით დააკავა. საქალაქო სასამართლომ მას თავდაპირველად 10 წლით თავისუფლების აღკვეთა მიუსაჯა, თუმცა მოგვიანებით, პროკურატურასა და დაცვის მხარეს შორის გაფორმებული საპროცესო შეთანხმების საფუძველზე, სააპელაციო სასამართლომ ყოფილ მინისტრს სასჯელის ვადა 3 წლამდე შეუმცირა.