პარტია „ლელო-ძლიერი საქართველოს” ერთ-ერთი ლიდერი, მამუკა ხაზარაძე სამხრეთ ამერიკაში ავარიაში მოყვა.
შემთხვევა ოთხი დღის წინ მოხდა, როდესაც მამუკა ხაზარაძე შვილთან, ნიკა ხაზარაძესთან ერთად, სამოგზაუროდ იმყოფებოდა სამხრეთ ამერიკაში. ავარიის შედეგად მამუკა ხაზარაძეს ნეკნების მოტეხილობა აღენიშნება.
ხაზარაძეები საკუთარი ავტომობილით ბრაზილიიდან მონტევიდეოში (ურუგვაი), ჩილეში, არგენტინაში მოგზაურობდნენ. ახლობლის ინფორმაციით, მამუკა ხაზარაძეს ავარიის შედეგად ნეკნების მოტეხილობა აქვს.
“დაახლოებით ორი კვირა მამუკასთვის ფრენა არ შეიძლება, რის გამოც ჯერ ვერ დაბრუნდებიან“, – ამბობს ახლობელი.
როგორ პარტიის პრესსამსახურში აცხადებენ, მამუკა ხაზარაძე ამჟამად თავს კარგად გრძნობს და რეაბილიტაციის კურს გადის.