ინგა გრიგოლიასთან ინტერვიუში სალომე ზურაბიშვილმა უარყო ინფორმაცია, რომ ბიძინა ივანიშვილს მისი დანახვა არ უნდა და სწორედ ამის გამო არ დაესწრო ქართული პარლამენტის 100 წლის იუბილეს. ზურაბიშვილი ამბობს, რომ საკუთარ დაბადების დღეზე, ანუ 18 მარტს ივანიშვილთან შეხვედრა ქონდა. თუმცა მიზეზი პოლიტიკური თემა არ ყოფილა. პრეზიდენტი ამბობს, რომ შეხვედრა კულტურულ თემასთან დაკავშირებით შედგა, რომელიც საქართველოში სახელოვნებო ბაზრის შექმნას ეხება.
“შევთავაზე მოსაზრება რომელიც ეხება ერთ საკითხს, რომელშიც არის ძალიან ჩართული და რომელიც ეხება თანამედროვე ხელოვნებას და სახელოვნებო ბაზრობას, რაზეც ვესაუბრე რამდენიმე ადამიანს საფრანგეთში ვიზიტისას და მგონია რომ არის საინტერესო. ამ კუთხით შევხვდი. ეს არ ეხება არც პარტიას და არც მთავრობას“ – აცხადებს ზურაბიშვილი.
ის ამბობს, რომ ივანიშვილთან თავს ვალდებულად არ თვლის, თავისუფალი ადამიანია და ამას ყველა შეეჩვია, მათ შორის ივანიშვილი.
კითხვაზე, რა სტატუსით შეხვდა ივანიშვილს ზურაბიშვილი ამბობს, რომ შეხვდა როგორც თავისუფალი ადამიანი თავისუფალ ადამიანს.
კითხვაზე, რა აჩუქა ივანიშვილმა დაბადების დღეზე ზურაბიშვილმა უპასუხა, რომ მისგან საჩუქარი არ მიუღია.
