ფარმაცევტული კომპანია GM Pharma განცხადებას ავრცელებს , რომელშიც ნათქვამია, რომ საქართველოში მედიკამენტების დეფიციტი არ შეიქმნება:
“საქართველოში მედიკამენტების დეფიციტი არ არის მოსალოდნელი, რადგან ფარმაცევტული კორპორაცია GM Pharma 2020 წლის დასაწყისიდან კორონავირუსული ინფექციის ფართოდ გავრცელების რისკთან დაკავშირებით გადავიდა წარმოების საგანგებო რეჟიმზე ჩვენი ქვეყნისათვის მედიკამენტების სტრატეგიული მარაგების შესაქმნელად. კომპანიას გააჩნია მზა პროდუქტების, საჭირო ნედლეულისა და მასალების საკმარისი მარაგი, გაზრდილი მოთხოვნის პირობებშიც კი – აცხადებენ ფარმაცევტული კორპორაცია GM Pharma-ს მესვეურები.
აღნიშნული განცხადების გაკეთების აუცილებლობა გამოიწვია პანიკამ, რასაც მედიკამენტების მარაგების გაკეთების ტენდენცია მოჰყვა მოსახლეობის მხრიდან – გვინდა მოგმართოთ, ნუ აყვებით პანიკას და ნუ დაიმარაგებთ GM Pharma-ს (ჯი-ემ-პის) წარმოებულ პრეპარატებს, განსაკუთრებით კი ანტიბიოტიკებს, სიცხის დამწევ და ანთების საწინააღმდეგო საშუალებებს, რადგან ჩვენ შევძლებთ მათ უწყვეტად მოწოდებას, ნებისმიერი სცენარის განვითარების შემთხვევაში საქართველოს მათი დეფიციტი არ ემუქრება.“ – აცხადებენ GM Pharma -ში.
